Serchhip District-ah Lok Sabha inthlanpuia Vote tla te tluang taka chhiar a ni

Kumin April 11-a Mizoram Lok Sabha inthlanpui neiha Vote tla te chu nimin khan ramchhung hmundangte rualin Serchhip-ah pawh boruak muanawm tak hnuaiah chhiar a ni.
Lok Sabha inthlanpui neiha Serchhip District-a Vote tla te chhiar tur hian nimin zing dar 7:30 khan Serchhip DC’s Office-a Strong Room chu hawn niin hemi hnu zing dar 8:00 a\ang khan ruahman angin tluang takin Vote hi chhiar zui nghal a ni a, chawhma dar 10:45 velah Serchhip District chhunga EVM-a Vote tla te chu chhiar zawh vek hman niin Supreme Court in ruahmanna a siam angin Constituency tina VVPAT te chu Polling Station panga (5) ami zel chhiar zui leh nghal niin chhunlai pelh hret hnu khan Vote chhiar hi zawhfel a ni ta a ni. 26-Serchhip AC (ST) ah chuan MNF Candidate, C. Lalrosanga chuan Vote 4174 hmuin BJP Candidate, Nirupam Chakma chuan Vote 112 a hmu a. PRISM Candidate, TBC. Lalvenchhunga chuan Vote 162 hmuin Independent Candidate, Lalhriatrenga Chhangte chuan Vote 778 hmuin Independent Candidate bawk, Lalnghinglova Hmar chuan Vote 6554 a hmu a, Lalthlamuani chuan vote 33 hmuin NOTA-ah Vote 28 a tla bawk a ni.
27-Tuikum AC (ST)-ah chuan MNF Candidate, C. Lalrosanga chuan Vote 4102 hmuin BJP Candidate, Nirupam Chakma chuan Vote 52 a hmu a. PRISM Candidate, TBC. Lalvenchhunga chuan Vote 160 hmuin Independent Candidate, Lalhriatrenga Chhangte chuan Vote 246 hmuin Independent Candidate bawk, Lalnghinglova Hmar chuan Vote 5799 a hmu a, Lalthlamuani chuan vote 34 hmuin NOTA-ah Vote 29 a tla bawk. 28-Hrangturzo AC (ST)-ah chuan MNF Candidate C. Lalrosanga chuan Vote 4630 hmuin BJP Candidate, Nirupam Chakma chuan Vote 53 a hmu a, PRISM Candidate TBC. Lalvenchhunga chuan Vote 125 hmuin Independent Candidate, Lalhriatrenga Chhangte chuan Vote 164 a hmu a. Lalnghinglova Hmar chuan Vote 4589 hmuin Lalthlamuani’n Vote 33 a hmu a, NOTA-ah Vote 35 a tla bawk.
Heti hian Serchhip District-a Assembly Constituency pathum (3)-ah Independent Candidate, Lalnghinglova Hmar chu Vote hmu tam ber niin 16,942 hmuin amah hnaih bertu MNF Candidate, C. Lalrosanga chuan Vote 12,906 a hmu a, an inthlauhna hi Vote 4036 a ni. Anni bakah hian Independent Candidate, Lalhriatrenga Chhangte chuan Vote 1188 hmuin PRISM Candidate, TBC. Lalvenchhunga chuan vote 447 a hmu a, BJP Candidate, Nirupam Chakma chuan vote 217 a hmuh bakah Independent Candidate bawk, Lalthlamuani chuan Vote 100 a hmu a, NOTA-ah Vote 92 a tla bawk a ni.

Comments

Popular posts from this blog

PAN CARD an tih teh fo hi - Laldinpuia