Sawrkar School aia result nei \ha an awm \hin hi ngaihtuah chian a \ul - Education Minister

School Education Minister, Lalchhandama Ralte chuan kan rama zirna In-ah te sawrkar School aia mimal leh Kohhran enkawl School-a zirlai an tam zawk tlat mai leh result pawh an nei \ha zawk fo \hin chu ngaihtuah chian a \ul hle a a ngaih thu a sawi.

School Education Minister, Lalchhandama hian nimin khan Serchhip rawn tlawhin a ho hian DIET Serchhip Multipurpose Hall-ah Education Campaign neih a ni a, he hunah hian Education Minister chuan Mizoram sawrkar Department zinga lian ber leh thawktu ngah ber Education Deparment chu sawrkar in a ngai pawimawh hle tih sawiin, zirna lama hma kan sawn zel theih nan budget pawh dah tam a ni, a ti a. Kan rama zirna In-ah te sawrkar School aia Mimal leh Kohhran enkawl School-a zirlai an tam zawk tlat mai leh result pawh an nei \ha zawk fo \hin chu ngaihtuah chian a \ul hle-a a ngaih thu sawiin, “Sawrkar School-a zirtirtuten kan puanven te sawichhing a kan intuaithar a \ul a ni,” a ti a. Zirtirtute chu an zahawmna vawnghim a, hun vawng dik tur leh zirlaite tan an thiamna leh theihna hmang chhuak thar leh turin a chah bawk.

Education Minister hian kum 2015 a\anga hman \an Continuous and Comprehensive Evaluation (CCE) chu sawrkar in ennawn a tiam ang ngeia an ennawn mek thu sawiin, Exam kalphung pangngaia let leha School Calender pawh tihdanglam anih tur thu a sawi a. “Kan rama zirna in hniamlam a pan chhan ni a lang pakhat, zirtirtu indaihlohna pawh hnawhkhat turin sawrkarin hma a la mek a ni,” tiin Zirna in hma a sawn lehzualna tur atan tunhma lama kalpui \hin tawh School Inspection pawh kalpui thar anih tur thu Education Minister hian a sawi bawk.

Lalchhandama Ralte chuan Sawrkar in zirtirtu \ha tak a lak saka, a thlawn a zirlaibu, Uniform leh chawchhun a pe chung pawha Mizoram puma zirlai zaa 60 ten Private School an la thlang zawk tlat chu zirtirtute an inenfiah a \ul nia a hriat thu sawiin, zirtirtute lakah sawrkar thikthu a chhe dawn a ni, a ti a. Zirtirtu kalkhawm te theihtawp chhuah tura fuihin zirlai piah lamah zirlai nau-pangte chu Mizo hnam nunphung, tlawmngaihna, aia upa zahna te zirtir tel \hin turin a chah bawk.

He hunah hian Serlui bialtu MLA, Lal-rinsanga Ralte pawhin thu sawiin ramin eizawnna leh zirna kawngah hma sawn zelna atana pawi-mawh, zirlai naupangten thiamna leh eizawna tura mahni inrintawkna an neih theih nan zirtirtute chu tihtakzet leh inpekna thar nen a zirtir hna thawk thar \heuh turin a chah bawk.

Nimin-a Eduction Campaign hi Esther Lalruatkimi, IRS,Commissioner & Secretary, School Education Department in a kaihhruai a, Serchhip DEO, Lawmawma chuan kalkhawm te lawmna thusawiin, India ram puma zirna din-hmun tehna National Achievement Survey (NAS) a Mizoram leh Serchhip District dinhmun tlang-puiin a tarlang bawk.

He hunah hian School Education Minister hian Serchhip DIET in 'Science Thumal Hrilhfiahna' tih lehkhabu an buatsaih chu a tlang-zarh a. District Education Committee, Serchhip leh SSA Mission Serchhip te \angkawp in Mid-Day Meal Kitchen Garden nei \hate lawmman an buatsaih pawh sem nghalin, Govt. Primary School-IV Serchhip in lawmman pakhatna dawngin Govt. LM Middle School, Serchhip in lawm-man pahnihna leh Govt. Ngentiang Middle School leh Govt. Middle School Serchhip ten lawmman pathumna an dawng a ni.

Nimin a Serchhip-a Education Campaign-ah hian Serchhip khawpui chhunga sawrkar enkawl School, Primary a\anga Higher Secondary School zirtirtute, Federation Mizoram Government School Teacher’s (FMGST) hruaitute leh Serchhip DIET a thawktute an tel a. He hun hman zawh hnu hian Minister hian Lunglei a pan leh nghal a ni.