MPCC President in MIMER hming thlak a dem

Mizoram Pradesh Congress Committee (MPCC) President, Lal Thanhawla chuan nimin khan Aizawl-a Congress Bhavan Golden Hall-a Political Session-ah MNF Sawrkarin MIMER hming an thlak chungchang sawiin, “Anmahni kutkawih pawh tel si lova, midangten theihtawp chhuah leh hah taka an sualchhuah sa a hming lam a awl zawk tih mai mai avanga a hming an han thlak hi thil tenawm tak a ni a, Zoram mipui te min zahlo hle a ni,” a ti a.
MNF te chuan kum 20 chhung ramhnuai a\angin kan ram an ti chhe tawh tih sawiin, “Hetia hmasawn hlei thei lova kan awm leh mipui nunau an zalen lo hi \ha kan ti lovin zahawm taka an rawn haw dan kawng kan zawng a, ‘Salu an rawn hawn lo a nih pawhin an rawn hawn ang ang kawtchhuahah ropui taka lo hmuakin kan lo lawm ang,’ kan ti a. Rawn hawn ropui an nei lo. ‘Ramri chungchang tal hi chu sawi fel ang u’ kan ti a, an rawn hawn hun kha a tihkhawtlai dawn avangin an tawlh hun hun a, an ngai pawimawh lo a ni,” a ti bawk.

Comments

Popular posts from this blog

PAN CARD an tih teh fo hi - Laldinpuia