East Lungdar-ah zirlai ti\hate chawimawina nei

MZP Sub-Hqrs. East Lungdar chuan nimin khan an khawchhung a\anga HSLC leh HSSLC Exam-a hlawhtling thar te lawmpuina leh chawimawina hun an buatsaih.

Thangburha Hall, East Lungdar-a zirlai ti\hate chawimawina hun hi East Lungdar BDO, Dorothy Muansangi chuan khuallian nia hmanpuiin MBSE hnuaia HSLC leh HSSLC exam results chhuaka zirlai tam tak in hlawhtlinna an chang chu lawmawm a tih thu a sawi a, MZP East Lungdar hruaitu ten zirlai hlawhtling te lawmpuina leh chawimawina hun an buatsaih chu lawmawm a tih thu sawiin, Zirlaite ah chona a pek zel a beisei thu a sawi a. Hun lo kal turah tuna an chawimawi aia tam chawimawi tur awm zel se a duh thu sawiin, tum mumal tak neia lehkha zir turin zirlaite chu a chah a, tumruhna chu hlawhtlinna bul a nih thu pawh sawiin, tumruhna nen kan bei a nih chuan hnamdang tih theih chu kan ti ve thei a ni tih hre reng turin a chah bawk. Nimin a zirlai ti\ha te chawimawina hunah hian zirlai hlawhtling thar te hnenah hian thilpek hlan niin he hun hi MZP General Hqrs. hruaitute pawhin an hmanpui a ni.