Inkang-a hliam tuar te kan

Tunkar Nilaini zan-a Serchhip Zozam Veng-a In kang \helhna a hliam tuar te chu nimin khan Serchhip DC Office-a thawkte chuan an tlawh a.
He hunah hian Serchhip DC Office a\angin SDC, Ngurthansanga chuan tlawmngaia kang an \helh avanga hliam an tuar chu pawi an tih thu leh an tlawmngaihna chu ropui an tih thu sawiin, DC Office-a thawk ten an remchan dan anga an kan thu a sawi a. Tuna sum leh pai an hlan chu an mamawh hmasa a an lo hman tura an tih a nih thu leh damdawi In an chhuahsan hunah pawh a theih anga an inenkawlna sonso an hmuh let theihna tur ngaihtuah sak an nih dawn thu a sawi bawk.
Tarlan tawh angin Serchhip Medical Complex-a Quarter pakhat kang-a Gas puak avang hian mi 5 ten hliam tuarin an zinga mi 3 te chu Serchhip damdawi In ah hian enkawl mek an ni a, nimin a DC Office-a thawk ten an kanna hunah hian Serchhip damdawi In-a Medical Officer, Dr. Lallawmzuala chuan heng damlo te dinhmun hi lo hrilhfiahin, tunah hian hma an sawn zel thu leh ngaihtuahawm an nih loh thu a sawi.
Nimin vek khan Serchhip Sub-Hqrs. YMA pawhin he kangmei \helhna a hliam tuar mi 3 enkawl mek te hi Serchhip damdawi In ah tlawhin \anpuina thilpek an hlan a, he hunah hian Serchhip Sub-Hqrs. YMA President, R. Sang-hmingthanga chuan midangte \anpuina atan mi inpe te chu an chhuang hle tih a sawi bawk.
Hetihlai hian Little Flower Convent School, Serchhip-a zirlaite chuan kangmei tuartu, PC. Lalromawia te chhungkaw \anpuina atan hian an theih ang ang sum leh pai thawkhawmin Catholic Relief Fund nen a vaiin Rs. 17,750/- leh buhfai bag 2 bakah Inchhung mamawh leh naupangte mamawh tur hrang hrang chu nimin khan kangmei tuartute hnenah hian an hlan bawk a, Little Flower Convent School hian niminpiah a kangmei tuarte bungraw senghawina hnatlang ah khan an zirlai naupangte chu thingpui lum turin an lo hnatlan tir tawh bawk a ni.

Comments

Chhiar Hlawhte

Youth Icon Top-50 thlang

PAN CARD an tih teh fo hi - Laldinpuia