MLPC Act hnuaia Bonded Warehouse khar kim tawh

Mizoram Liquor (Prohibition & Control) Act, 2014 hnuaia Mizoram Sawrkar-in Wineshop permit a pekchhuahte chuan tun thla ni 27 thleng High Court-in hun pek belh mahse an Zu khawl sa an hralh zawh tak avang leh an permit an renew tawh dawn loh avangin an inkhar hlawm tawh.
Mizoram Excise & Narcotics Department thuchhuaha a lan danin, Bonded Warehouse awm pathum (3) te pawh an Zu neihsa te an tihral tawh avangin sawrkara an Security Deposit lachhuakin khar an ni tawh a, tun dinhmun ah phalna neia Zu zawrh leh lei leh in theih a ni tawh lo tih an tarlang a ni.
Hetiang a nih mek lai hian Mizoram Excise & Narcotics Department chuan Mizoram hmun hrang hrangah dan lo anga Zu leh ruihhlo dap hna ngawrh takin an thawk mek zel a, tunkar chhung khan IMFL bottle 1576, Beer 1015, Rakzu litre 615, Zu bilh lai |in 112, BEDC litre 178, Heroin Gram 428, Ganja Gram 50 leh Alprazolam mum 5 an man a ni.

Comments

Popular posts from this blog

PAN CARD an tih teh fo hi - Laldinpuia