Serchhip-a HSS hrang hrang ten HSSLC-ah ti\ha

Nimin-a MBSE in pawl 12, Higher Secondary School Leaving Certificate (HSSLC) Exam result a tihchhuah ah Serchhip khawpui chhunga School hrang hrangte result pawh a \ha thawkhat niin a lang.
Arts-ah Govt. Higher Secondary School Serchhip a\angin mi 92 exam in mi 83 an pass a, compartment chance nei mi pakhat awmin mi 8 an Fail a, za zela 90.21 pass ang an ni. GHSS Serchhip a\ang hian Distinction-ah mi 2 pass in 1st Division-ah mi 16, 2nd Division-ah mi 40 leh 3rd Division-ah mi 25 an pass bawk.
Lal Thanhawla HSS a\angin mi 51 exam-ah mi 43 an pass a, mi 9 te Fail in pass percentage chu 84.31% a ni. Lal Thanhawla HSS Serchhip a\ang hian Distinction-ah mi mi 2 pass in 1st Division-ah mi 12 an pass a, 2nd Division-ah mi 25 leh 3rd Division-ah mi 4 an pass bawk. Chhiahtlang Higher Secondary School a\angin mi 10 exam te pass vekin Distinction-ah mi 2 an pass a, 1st Division-ah mi 4, 2nd Division-ah mi 3 leh 3rd Division-ah mi 1 an pass bawk.
Science zirna awmchhun Govt. Higher Secondary School, Serchhip a\angin mi 36 exam-ah mi 35 pass in Compartmental chance nei mi 1 an awm a, Fail awm lovin pass percentage chu 97.22% a ni a. Distinction-ah mi 1 pass in 1st Division-ah mi 12 leh 2nd Division-ah 22 an pass a, Private-a Exam mi 11 zingah mi 3 in pass in 1st Division-ah mi 2 leh 2nd Division-ah mi 1 in an pass a, Compartmental chance nei mi pakhat a awm bawk.
Commerce-ah Serchhip-a Commerce zirna awmchhuan Lal Thanhawla HSS Serchhip a\angin mi 7 exam-ah mi 4 an pass a, mi 3 Fail awmin Compartmentak chance nei an awm lo a, pass percentage chu 57.14% a ni a, 2nd Division-ah mi 2 leh 3rd Division-ah mi 2 in an pass bawk a ni.

Comments

Popular posts from this blog

PAN CARD an tih teh fo hi - Laldinpuia