Transport Minister in Road Safety Week hawng

Transport Minister, TJ. Lalnuntluanga chuan nimin khan Aizawl Vanapa Hall-ah Road Safety Week, 2019 hawnna a hmanpui.

Road Safety Week hawnna hunah hian Transport Minister chuan fimkhur tawk loh vanga chetsualna tuartute dinhmun chu sawi aia nasa in a rapthlak tih sawiin, Indian rama motor chetsualna 100-a 70 chu motor khalhtu thiamloh a ni tiin sawrkar laipui chuan record a nei tih a sawi a. Mizoram sawrkar pawhin mipuite mamawh hriain, motor khalhtu ten nundan, chetzia leh fimkhur an zirna tur Driving Institution changtlung zawk dinna kawngah hma a la mek tih sawiin, Sawrkar record-a a landanin kum 2014-ah motor chesual 132 awmin, mi 103 in nunna an chan a. Kum 2018 ah erawh chuan motor chesual 53 awmin, mi 45 in nunna an chan a, statistic-ah chuan hmasawn kan ni a, a hlawhtlinna chu mipuiten sawrkar hmalakna an \awiawm \hat vang a ni, a ti bawk.

He hunah hian Khual Zahawm KT. Beicho, IRAS, Commissioner & Secretary pawhin motor a chuang chauh nilo, ke a kal te tan pawh himna leh hlimna kan ngai pawimawh a \ul thu a sawi bawk. Nimin a Road Safety Week hawnna hunah hian kum 2018 chhunga Motor chetsual avanga nunna chan mi 53 leh kum 2019 (January-March) chhunga mi 14 nunna chan te sunna hun hman niin Road Safety Pledge chamna hun hman a ni bawk.

Mizoram pumah kum 2014 khan Road accident \um 132 thleng ah thi 103 leh hliam 234 an awm a. Kum 2015-ah accident \um 68 thleng awmin mitthi 71 leh hliam 117 an awm a. Kum 2016-ah accident \um 72 thleng ah mitthi 59 leh hliam 97 awmin kum 2017-ah accident \um 68 thlengah thi 60 leh hliam 55 an awm a. Kum 2018-ah accident \um 53 thleng ah mitthi 45 leh hliam 30 an awm bawk a ni.