Latest News

West-I ah MNF thlantlin a ni

Lok Sabha inthlanpui neih ruala Aizawl West-I Bial Assembly bye-election neih ah MNF candidate, Zothantluanga chu hneh taka thlantlin a ni.
Nikum November thlaa Mizoram Assembly inthlanpui neih a ZPM Independent Candidate, Lalduhoma tlinna leh a chhuahsan tak, Aizawl West-I Bial Assembly bye-election April 11-a neiha Vote tla te chu nimin zing khan chhiar a ni a, MNF Official Candidate, Zothantluanga chu hneh taka thlantlin niin niin Vote nung zawng zawng 18,391 a\angin Vote 12,489 a hmu a, amah hnaih bertu Congress leh ZPM thlawp Independent Candidate, Lalbuanga Sailo chuan vote 5322 a hmu a, MNF Candidate hian amah hnaih betu hi Vote 7167 zetin a hneh a, Independent Candidate bawk, Rev. Dr. Zaichhawna Hlawndo chuan Vote 452 hmuin NOTA-ah Vote 128 a tla a ni.
Tarlan tawh \hin angin 15-Aizawl West-I AC (ST) Assembly bial-ah hian nikum-a Assembly inthlanpui-ah khan ZPM Independent Candidate, Lalduhoma chu thlantlin niin ani hi 28-Serchhip AC (ST)-ah thlantlin a ni bawk a, Aizawl West-I bial hi a chhuahsan zawk tak avangin he bial-ah hian bye-election neih niin MNF Candidate chu thlantlin a ni ta a ni.
Heti hian Seat 40 awmna Mizoram State Legislative Assembly-ah rorellai MNF Party chuan Member 27 an nei ta a, ZPM chuan Member 7 neiin Indian National Congress in Member 5 neiin BJP in Member 1 an nei ta bawk a ni.

Comments

Popular News (Last 30 Days)