Surgeon sawnchhuah duhlo

Serchhip NGO Coordination Committee chuan Serchhip-a Surgeon chu a thlaktu tur dah a nih loh chuan sawnchhuah rem an tihloh thu an sawi.
Mizoram sawrkar in niminpiah a Doctor engemaw zat awmna a siksawi chungchang ah hian nimin tlai khan Serchhip NGO Coordination Committee an \hukhawm a, Mizoram sawrkar in Serchhip District Hospital-a Doctor a sawnchhuah zingah Dr. Zochampuia Ralte (Surgeon) chu a thlaktu tur dah lova a sawnchhuak chu \halo an tih thu sawiin, a thlaktu tur dah a nih loh chuan sawnchhuah an remti lo tih an sawi a. Hemi chungchangah hian a \ul anga Health Minister hmu turin tukin hian Aizawl pan nise an ti bawk.
Hetihlai hian Serchhip |halai Pawl chuan nimin khan thuchhuah siamin Serchhip in Surgeon kan neihchhun leh Kolasib-a sawn tura tih, Dr. Zochampuia Ralte chu Serchhip District in kan lo thlamuanpui ve em em \hin leh thingtlang hmun hrang hrang a\anga Aizawl pan kher ngai lova Serchhip Damdawi In rawn beltu te, inzai ngai te innghahna ber a ni tih tarlangin, kan Surgeon Doctor, a aiawh tur dah si lova Sawrkarin a sawnchhuak chu Serchhip Damdawi In leh he Damdawi In pantu mipuite tan a \halo hlea an hriat thu an tarlang a. Mizoram sawrkar hotute chu he Order siam hi ennawn leh turin an ngen bawk.

Comments

Chhiar Hlawhte

Youth Icon Top-50 thlang

PAN CARD an tih teh fo hi - Laldinpuia