Latest News

Serchhip hmathlir : Serchhip-ah Municipal Council

Serchhip hmathlir : Serchhip-ah Municipal Council

- Laldinpuia

Mihring nihphungah mahni dinhmun ngaia awm reng hi khamkhawp lohna leh nin na chen a lo awm\thin a, mahni dinhmun pangngai a\anga hmasawn zelin dinhmun sang zawk kan zuan fo \hin a, hei hi khawvel kalphunga thil ni tur ve reng pawh a ni tho awm e. Chutiang bawkin Serchhip khua pawh hian hma kan sawn ve zel a, Serchhip khawhlui a\angin kum 1955-ah tuna kan awmna Serchhip (Kawnpui)-ah hian awmthlak \an a ni a. Kum 2011 chhiarpuiah phei chuan Serchhip-ah hian mihring 64,875 lai kan lo awm tawh a. Khaw lian leh changtlung tak kan lo ni ta a ni.
Kum 1979-ah Serchhip hi Town a puan a ni a, kum 1998-ah District Headquarter-a hlankai a ni chho leh ta bawk a. Khawtlang inrel-bawlna kawngah Village Council awpna hnuaiah kan la awm ta char char a, ‘Khawtlang In leh lo te, a chhunga cheng mipui te leh kan eizawnna leh sum chevel thlengin hmalam panin kan \hang nasa em em a, chuvang chuan Village Council inawpna ringawt lo deuh khawpui inenkawlna Municipal Council te hi ka nei ve thei mai lo maw?’ tih hi mi \henkhat ten zawhna an nei fo \hin a, hemi chungchang hi tun \umah hian kan chhuizui dawn a ni. 
India danpui siam\hat vawi 74-na (74th Amendment of the Constitution) Article 243Q-ah chuan tualchhung inrelbawlna, Municipal chungchang leh a din dan tur chipchiar taka tarlan a ni a. Hemi zulzui hian Mizoram-ah pawh kum 2007 khan Mizoram Municipal dan thar, ‘The Mizoram Municipalities Act 2007’ chu siam a ni a, Aizawl Municipal Council lo piang nghalin he dan hi hmanzui nghal a ni. Municipal chungchanga Mizoram chhunga inrelbawlna leh kaihhruaina zawng zawng chu he Dan-ah hian tarlan vek a ni. Kum 2015 khan siam\hat ngai lai te siam\hat a ni bawk.
The Mizoram Municipalities Act 2007 :
Tuna Mizoram a Municipal chungchanga kan dan hman mek hian Mizoram pum a huap vek a, Autonomous District Council awmna Siaha leh Lawngtlai District tihloh ah chuan a hman theih vek a ni. The Mizoram Municipalities Act 2007 in Municipal din theih dan kalhmang a tarlan tlangpui te chu hetiang hi a ni –
Section 7(1)-ah chuan Municipal chi thum - a) Municipal Board, b) Municipal Council leh c) Municipal Corporation siam a ni.
Section 3(2) chuan hetiang hian Municipal din theihna a bithliah – a) Mihring 5000 aia tlemlo awmna ah Municipal Board.
b) Mihring 50,000/- aia tlemlo awm na ah Municipal Council
c) Mihring 3,00,000 aia tlemlo awmna ah Municipal Corporation.
Section 8-na in a tarlan angina Municipal Board hnuaiah chuan Ward 5-9 a awm ang a, Municipal Council-ah Ward 11-23, Municipal Corporation-ah ward 15-31 a awm thei ang.
Municipal-a Councillor te hi kum 5 term a thlan \hin tur a ni.
Serchhip-ah Municipal din ve theih a ni em? :
He zawhna chhanna mawl te chu, ‘din ve theih e’ tih hi a ni. The Mizoram Municipalities Act 2007 hnuaia sawrkar ina Municipal din thei tura a bithliah hrang hrangah kan tling vek a, chuvang chuan Serchhip-ah pawh hian Municipal Council hi din theih a ni. A din phalna petu Mizoram sawrkarin a remtih phawt chuan Village Council awpna hnuai emaw, khawpum huap tlawmngai pawl \hahnem ngai deuh hmalakna a innghat ringawt lo hian Serchhip khawpui hian kan khaw min enkawltu tur Municipal Council \ha tak kan nei thei reng a ni.
Engtinnge kan din tak ang? :
Serchhip Municipal Council din tur hian inkaihhruaina dan a hranpaa siam a ngai hran lova, The Mizoram Municipalities Act 2007 hian Mizoram pum a huap avangin hemi dan hi Serchhip Municipal Council tan pawh hman nghal theih a ni. Municipal din tur chuan khawtlang mipui ten kan duh tlana kan khawtlang aiawh ten zirchianga sawrkara an thlen te pawh a ngai a, tuna tih theih awm ber ni a lang chu Serchhip Municipal Council Steering Committee te hi NGO hrang hrang kalkhawm te hian din thei se, heta \ang hian hmalak a nuam deuh mai thei e.
Municipal Council mawhphurhna :
The Mizoram Municipalities Act 2007 in a tarlan danin a hnuaia tarlan te hi Municipal Council mawhphurhna leh hmalakna tur te an ni –
(1) Urban planning including Town Planning.
(2) Regulation of land use and Construction of buildings.
(3) Planning for Economic and Social Development.
(4) Roads and Bridges.
(5) Water supply for domestic, Industrial and commercial purposes.
(6) Public health, Sanitation conservancy and Solid Waste Management.
(7) Fire services.
(8) Urban Forestry, Protection of the environment and promotion of ecological aspects.
(9) Safeguarding the interests of weaker sections of society, including the handicapped and mentally retarded.
(10) Slum improvement and upgradation.
(11) Urban poverty alleviation.
(12) Provision of urban amenities and facilities such as parks, gardens, playgrounds.
(13) Promotion of cultural, educational and aesthetic aspects.
(14) Burials and burial grounds; cremations, cremation grounds and electric crematoriums.
(15) Cattle pounds, prevention of cruelty to animals.
(16) Vital statistics including registration of births and deaths.
(17) Public amenities including street lighting, parking lots, bus stops and public conveniences.
(18) Regulation of Slaughter houses and tanneries.
Heng bakah hian State sawrkar ina mawhphurhna a pek te pawh a thawk bawk ang.
Municipal Council kan neih chuan :
1) Serchhip khawpuiah chhiah chi hrang hrang lak a ni ang a, chu chu Serchhip khawpui hmasawnna tur hnathawh nan leh enkawl nan hman a ni ang.
2) Insak leh \hiah thuah te, Ran khuahkhirh, Parking fee khawn, Bazar hmun, vantlang hmun etc. ah te Serchhip khawpui puma thuneitu chu Serchhip Municipal Council a ni ang.
3) Serchhip khawpui chhunga hmasawnna hi rualkhai takin Municipal Council ruahmanna anga kalpui a ni ang.
4) Mirethei leh harsa zawk te tan dinchhuahna tur leh anmahni tuamhlawmna tur Municipal Fund a\angin siam a ni ang.
5) Sawrkar Department ram nilo vantlang ram reng reng chu Municipal Council thuhnuaiah a awm ang. Vantlang ram hman \angkai leh Inhmun \heh thlengin Municipal Council thuneihna a ni ang.
6) Khawpui inrelbawlna hrang hrangah Municipal Council-in mawh a phur ang a, Serchhip hmasawnna tur atan leh \halai hna neilo ten hna an neih theih nan Industry din te, vantlang tana \angkai tur project siam leh khaw mipuite dinhmun chawikanna kawngah mawh a phur ang.
7) Khawchhung cheibawl chungchangah thuneitu a ni ang a, khawchhunga hoarding leh banner tar reng reng Municipal thuneihna a ni ang.
Heng a chunga tarlan te khi an mawhphurhna tlangpui chauh a ni a, khi bak khi mawhphurhna leh hmalakna tur tam tak an nei bawk a. A tawi zawngin Serchhip Municipal Council a lo ding anih chuan Serchhip khawpui enkawlna engkim hi an kutah a awm tawh dawn a ni. Chu chuan Serchhip Town hi pumkhatah min hruai ang a, tun hmaa kan inlungrualloh \hinna hrang hrang te kha hrereng tawh lovin, Serchhip,New Serchhip leh Chhiahtlang te pawh Serchhip Municipal Council hnuaiah inlungrual takin hma kan sawn ho zel thei ang. Joint VC hnathawkho thei lo, Serchhip hmasawnna hnathawh viltu awm lo, VC hrang hrang hmasawn dan inkhairuallo tih vela kan buaina thin kha Municipal Council hian a rawn \hiat ngei tura ngaih a ni.
Serchhip khawpui hmasawnna tur, Serchhip khawpui huamchhung ami zawng zawng aiawh khawtlang enkawltu tur Serchhip Municipal Council din anih theih nan kan khawtlang hruaitute, party lama kan hotute tunah hian kan \anrual a pawimawh hle mai. Sawrkar lamah theihtawpin nawr ila, mipui ten kan khawtlang hruaitute tawiawmin thlawp ila, theihtawp chhuahin kan khawtlang hmasawnna tur atan hian i \angho ang u.
Serchhip Municipal Council din mai theih, Dan hnuaia tehna hrang hrangah pawh din theiha tling sa hi a lo pianchhuah ngei theih nan Serchhip hmasawnna duhtute chuan nghakhlel takin kan thlir mek a ni.

Comments

Popular News (Last 30 Days)