Hnamdang kumtlinglo mi 12 te Aizawl-ah man an ni

YMA leh Mizoram Police-te \angkawp chuan Pathianni tlai khan Aizawl Edenthar Veng chuanhnuai lama cheng, Denghliri te In-ah hnamdang kum tlinglo nia hriat hmeichhe 8 leh mipa 4, Myanmar lama hruai turte an hmuchhuak a, Bawngkawn Police Station-ah dah an ni.
Thudawn danin Edenthar Veng Branch YMA hruaitute chuan Denghliri In leh a chhehvela hnamdang engemaw zat hmuh an nih fo avangin finfiah tur an intírh hnuah, Central YMA hruaitute punin Bawngkawn Police-ah report a ni a. Police te sawi danin heng hnamdang lo thleng \hin buaipuitu, Denghliri hian hetiang anga lokal hi \um 5 vel a buaipui tawh a; heng mite hi a unaunu fanu Madiki, Tahan, Myanmar-a miin motor hmanga hnamdang te an In-ah an rawn dah dawn thu leh lo buaipui turin a hrilh \hin thu a sawi a. Zan khat vel an riah hnuah Myanmar lam panin phurh leh \hin an ni tih an sawi bawk.
Pathianni-a an lakchhuahte hi \um nga hnamdang an dahkhawmna niin Driver hrang hrangin rawn dahin, an rawn lam leh \hin nia sawi a ni a, heng hnamdang mi 12 te hi nimin khan an hriselna dinhmunte enfelin, Court-a hruai tura buatsaih an ni a. Hnamdangte hian document kawl an nei lo a, Sim Card tello Mobile Phone an kawl a, tun dinhmunah \awng lama biakpawh an harsat avangin duh angin hnuchhui a la kal zung zung theilo niin Police hotute chuan an sawi a. Hnamdang manchhuah tak te hi Bangladesh Refugee Camp a\angin Karimganj, Assam-a hruai an nih hnuah Mizoram rawn panpui leh nia hriat an ni a. An vai hian Hindi an thiam mumal lo nia hriat a ni bawk.

Comments

Popular posts from this blog

PAN CARD an tih teh fo hi - Laldinpuia