Tualthattu manchhuak tura hma la turin ngen

Mission Veng Branch YMA chuan Mizoram Chief Secretary hnenah lehkha thawnin December 18, 2014-a Pi Zokhumi w/o J. Lalsangzuala (L) rawng tak leh rapthlak taka thah a nih hnu a tualthattu chhui chhuah chungchang ah sawrkar hmalakna in chhui chhuak zawngin hmasawnna a la nei lo niin tualchhung chanchinbu a\anga an hriat thu leh hrehawm an tih thu an thlen a.

Mizoram-ah hetianga tualthattu man chhuak lo a, a zuzi fo chuan misualte ati zalenin, kan ram tan a him lo hle tih sawiin, sawrkar chu tualthattu a rang thei ang bera chhhui chhuak tur leh chak zawka hmalak sak turin an ngen tih an sawi. Kum 1954-a K|P dintute zinga mi, kum 83 a upa, Pi Zokhumi hi December ni 18, 2014 khan Mission Veng-a a chenna In ah thi a hmuh a ni a, a ruang awm dan a\angin mi tu tih hriatlohin a pindan hi luhkhungin Pi Zokhumi mulai chu rawng takin a ngawng veilamah hmanraw hriam tak hmangin a zai niin a lang tih Police te chuan an sawi a, a Room-a pawisa dah pawh a bo bawk a ni.