Latest News

Bairabi Zophai hmuna Zofate Chawlhbuk sakna tur chhinchhiahna MZP in an tar

MZP General Hqrs. hruaitute chuan nimin khan Bairabi Zophai hmun tlawhin Zofate Chawlhbuk sakna tur hmunah a chhinchhiahna turin Site Banner an tar a, hei hi lakthlak a nih loh nana venhim sak turin Mizoram sawrkar thuneitute chu an ngen bawk.
MZP General Hqrs. hruaitute hian Bairabi Zophai, Mizoram chhunga Mizoram Chief Minister hmasa ber, Pu Ch. Chhunga (L) nupui, Lalrothangi'n Zofate Chawlhbuk sakna tur ram a pekna hmun hi tlawhin, Zofate Chawlhbuk sak an tumna hmun chu Mizoram chhung ngei a ni tih an sawi nawn leh a. Helai hmun hi Mizoram Chief Minister hmasa ber, Ch. Chhunga(L) leilet a nih thu leh Assam in min chuhpui mai zawk tih sawiin, “MZP chuan kan Pi leh Pu te luahchin ram, Mizoram chin humhalh a, kan neih letleh ngei theih nan hma a lak chhunzawm zel dawn a, MZP chuan Mizo mipuite chu kan hmalakna ti \huanawp zawnga lo awm lo tur leh MZP hmalakna \awiawm zel turin leh MZP hmalakna pui bawm zel turin Mizoram mipuite MZP chuan thinlung takin a sawm tak meuh a ni,” an ti a. Helai hmunah hian Zofate Chawlhbuk sakna tur hmun a nih chhinchhiahna tarin, hei hi lak thlak a nih loh nan venhim sak turin Mizoram sawrkar thuneitute chu an ngen a ni.
MZP hruaitute hian Bairabi Village Council in Bairabi Zophai hmuna hmathar la tawh lo tura MZP te a hriattir chu zahawm an tih thu pawh sawiin, amaherawh chu helai Bairabi Zophai hmun hi Mizoram chhung ngei a nih avang leh kan ramri chinfelna tura hmanraw pawimawh tak a nih avangin Zofate Chawlhbuk sak an tum chu chawlhsan thei ah an in ngailo tih an sawi a. Bairabi VC te pawh lo hrethiam hram tur leh a \ul ang apianga MZP te thawhpui chhunzawm zel turin an ngen bawk.
MZP chuan ramri chungchang ah hian an dinna ngaih an la din reng thu sawiin, Bairabi Zophai hmuna Zofate Chawlhbuk sak a nih theih nan hma an lak chhunzawm zel dawn thu an sawi a. Mizoram Sawrkar kaihhruaina hnuaiah Assam leh Mizoram ramri ngaihtuahtu tur Core Committee siam a nih thu pawh sawiin, he Core Committee hian hma la ve zelin tunah hian hmachhawp \hahnem tak la neih a ni a, Core Committee in chak lehzuala hma a lak theih nan \an la lehzual turin Mizoram Sawrkar chu an ngen nawn leh bawk.
MZP hruaitute hian Zophai hmuna IR Post pawh tlawh nghalin Zophai-a IR Post-ah hian tun dinhmun ah Sipai 21 an awm mek a, a panna kawng a chhe hle tih sawiin, Motor eng chi mah kawl an nei lo niin an sawi a, he IR Post hi thuam\hat a ngai hle nia an hriat thu pawh sawiin, Mizoram Sawrkar thuneitute chu ramri hrul a kan Police te hei aia thuam\hat an nih theih nana hma la turin an ngen nghal bawk.

Comments

Popular News (Last 30 Days)