MZP Sub-Hqrs. Bairabi in FIR an thehlut

Tunkar Thawh\anni-a MZP General Hqrs. bultuma Bairabi Zophai a Zofate Chawlhbuk sakna tur chhinchhiahna tar chu a bo avangin hemi chungchangah hian MZP Sub-Hqrs. Kolasib chuan nimin khan Bairabi Police Station-ah FIR an thehlut.

Hemi chungchanga thuchhuah an siam ah MZP Sub-Hqrs. Bairabi chuan tunkar Thawh\anni-a Zophai hmuna Zofate Chawlhbuk sakna tur hmuna Site Banner tar hi nimin khan an hruaitu ten an va tlawh thu leh Site Banner hi alo bo hman thu an tarlang a. MZP in Site Banner a tar hetia a bo leh mai hi a la bo tu a rang thei ang bera zawnchhuah a nih a hma lak a nih thuai theih nan nimin tlai vek khan Bairabi Police Station-ah FIR an thehlut nghal tih an tarlang a ni.

MZP Sub-Hqrs Bairabi chuan Mizoram Chief Minister hmasa ber, CH.Chhunga nupui, Lalrothangi'n an leilet hmun a Zofate Chawlhbuk sakna atana MZP te ram a pekah MZP ten hma an lak apianga hetia buaina an tawk ta ziah mai chu hriatthiam har an tih thu leh Site Banner tar lo la botu hi kan sawrkar in zawnchhuah sakin Action la turin Mizoram sawrkar hruaitute an ngen thu an an sawi a. Bairabi Joint VC kaihhruaina a All NGO in MZP te Chawlhbuk sak hna chhunzawm lo tura ngenna a siam chu zahawm an tih thu pawh sawiin, chutihrual chuan kan ram leh hnam humhimna kawnga ke an pen mek chu tawpsan chi ah an ngaih loh thu leh hun lokal leh zel turah \hangthar ten helai hmun hi an la mamawh dawn chauh nia an hriat avangin Zofate chawlhbuk sak hi dodal lo hram turin an ngen bawk.