Sub-Hqrs. YMA ten khawpui chhunga sawrkar hmalakna hrang hrangte an enfiah

Serchhip Sub-Hqrs. YMA hruaitute chuan Inrinni khan Serchhip khawpui chhunga hmasawnna hnathawh \henkhat te tlawhin \ha tawklo nia an hriat leh siam\hat ngai nia an hriat te chu thuneitute hnenah thlen an tum.

Serchhip Sub-Hqrs. YMA hruaitute hian Serchhip Bazar NH. 54 kawngsir-a mipui kalna-a tlak dal siam mek chu tlawhin a ban phun chu a nghet tawklo nia an hriat avangin a ngheh theih dan tur nia an hriat te enin serchhip DLAO hnenah thlen nise an ti a. Serchhip Ramthlun Veng Goodwill English Academy bula cheng nuai 10 senga kawng siam pawh a zim bakah a tawi lutuk nia an hriat thu sawiin, lirthei te chi (LMV) kaltlang theihna tura siam chhunzawm \ul an tih thu an sawi bawk.

Hei bakah hian Serchhip Leisang Veng, Theihai lui kawr-a NH. 54 a\anga lane hnuai panna tur Step siam mek, a hmaa an lo en tawh pawh en lehin he kawng hi cheng nuai 14 senna tura ruahman nia an hriat laiin hnathawh a \halo hle nia an hriat thu an sawi leh a. Helai hmunah hian ruahman anga tuihawk luanna tur Drain siam mumal a nih loh bakah Step dotu innghahna ban siam lovin kawr kam kopang rin mai a nih avangin kal zawng pawhin a su thei a, Tuihawk luang dawlna tur a sira siam pawh lungrem satliah mai a nih avangin tunhnaia ruahsur in a hawrhchhe nghal nia an hriat thu sawiin, kawngpui-a a chhuah chhohna tur chu a zim lutuk nia an hriat thu an sawi bawk.

A hma lama an lo en tawh bawk Serchhip AOC Veng-a Masihi Sangati Biak In bul a\anga P&E Veng pawh tura tuihawk luankawr, a chunga Step siam tura ruahman pawh en lehin he hna hi cheng nuai 10 senna tura tih ni mah se Step siamna tur sum hi hmundang ah pawhpen nia sawi a nih thu an sawi a. Hetianga sum hi pawn pen a nih pawhin tuihawk luankawr hi a sir tawn tawnah fit chanve vel tala tih san \ul nia an hriat thu pawh sawiin, heng hna te hi a nihna tur ang leh rintlaka thawh a nih theih nana hma la tura thuneitute an phut thu an sawi bawk.

Serchhip Sub-Hqrs. YMA President, R. Sanghmingthanga hova thawkchhuak YMA hruaitute hian kum 2012 a\anga sak \an tawh Serchhip-a Nursing School Building tur, Lawibual ram Chanmari Veng-a sak mek pawh tlawhin Nursing School hi tun thlenga hawn ala nih loh avang leh enkawl zui a nih loh avangin bungrua nasa taka tihchhiat a nih tawh thu an sawi a. Serchhip-a Nursing School building hi hawn thuai an phut thu leh hawn a nih loh pawha venhim \hat \ul an tih thu pawh an sawi bawk.