Larsap in UD&PA Deptt. hotute a kawm

Mizoram Governor, Prof. Jagdish Mukhi chuan nimin khan Mizoram sawrkar-a Urban Development and Poverty Alleviation Department (UD&PA) hotute leh Officer te chu Raj Bhavan-ah a kawm.
Nimin a Raj Bhavan-a UD&PA Department hotute nen an inkawmna ah hian Governor chuan khawpui hmasawnna tura UD&PA hnathawh hrang hrang a thlirpui a. Khawpuia bawlhhlawh leh hnawmhnawk buaipui dan tur changtlung zawk ngaihtuah a ngai tih sawiin, India ramah chuan Goa leh Indore ten hetiang lamah hian hma an sawn nasa a, an tihdan zirchian a pawimawh a ni, a ti.
Larsap chuan Faina kawnga sawrkar laipui hmalakna lian tak, Swachh Bharat Mission hnuaia UD&PA hnathawh leh hmachhawp te zingah Toilet (ek In) sak kalpui dan ngai pawimawhin felfai leh tha taka thawk turin a fuih a. Heng bakah hian Atal Mission for Rejuvenation and Urban Transformation (AMRUT), Smart City, Swachh Survekshan, Pradhan Mantri Awas Yojana- Housing for All (PMAY-HFA) kalpui dan te sawiho a ni.
UD&PA hian kum 2015 a\ang khan Swachh Bharat Mission an kalpui a, Mizoram chhunga khawpui 23 te chu Open Defecation Free (ODF) a puan an ni tawh a. Individual Household Toilet 13942 sak tur zingah 2972 sak tawh a ni a, Community Toilet 1320 sak turah 91 zawhfel tawh a ni a. Swachh Survekshan hnuaiah hian state hrang hrang faina kawnga inelnaah kumin khan Champhai, Lunglei leh Vairengte a ti\ha zingah an lang pha a. AMRUT kalpuinaah Mizoram chu ti\ha pawl tak niin Top-5 zingah a lang pha ziah a ni.
He Meeting-ah hian UD&PA Secretary Dr.C.Vanlalramsanga, Jt. Director HVL. Zarzoenga leh Officer dangte an tel a ni.

Comments

Popular posts from this blog

PAN CARD an tih teh fo hi - Laldinpuia