Mizo tlangval in Mt. Everest lawnchhuak leh

Mizo tlangval, Johny Laltlanmawia S/o Zothanmawia, Ramhlun North Aizawl telna National Security Guard te chuan khawvel-a tlang sang ber, Mt. Everest chu an lawnchhuak ve leh ta.

National Security Guard Commando mi 7, Lt. Col. Jay Prakash Kumar-a kaihhruai te hian Ningani kalta, May 16 zing dar 7:05 khan khawvela hmun sang ber, Mt. Everest an lawn chhuak a, NSG Team-ah hian mi 12 awmin heng mite hi Indian Army leh Central Armed Police Forces a\anga thlanchhuah sipai \ha bikte niin, rilru leh taksa lama inrintawkna leh chhelna an neih theih nan khawvela hmun sang ber lawn tur hian tih an ni a, tun \um hi NSG ten Mt. Everest an vawikhat lawnna niin an zingah hian Johny LT. Mawia (Johny Laltlanmawia) hi a tel a ni.

NSG Expedition Team te hi mi 12 niin April ni 1 khan Delhi chhuah-sanin an zinga mi 7; Lt. Col. Jay Prakash Kumar, AC-I Roshan Singh, AC-II Kunzang Namgail, R-I Tsewang Morup, R-II Tashi Stanba, R-II Ramanvir Singh, R-II Johny LT. Mawia te chuan May 16 khan tluang takin tlangchhip an thleng a. An \hian dang mi 5 te chu May ni 22, 2019-a tlang chhip thlen tumin an la awm mek thung a ni.

Mizo zinga Mt. Everest chhip thleng hmasa ber David Zohmangaiha chuan kum 2013-ah he tlang chhip hi a thleng a, kum 2016-ah Mizo nula, Lalrintluangi'n thleng ve lehin, ani hi Mizo hmeichhe zinga he tlangchhip thleng thei hmasa ber leh a awmchhun a la ni a. Mizo Everester pahnih David Zohmangaiha leh Lalrintluangi te chuan Johny-a an lawmpui thu leh an chhuan thu an sawi bawk.