Inthlan result-ah MNF party an lawm

MNF Party chuan thuchhuah siamin Lok Sabha inthlanpui leh Aizawl West-I Assembly bye-election a MNF party Candidate te thlantlin an ni chu lawmawm an tih thu an tarlang.

Nimin-a thuchhuah an siamah MNF Party chuan ram leh hnamin hma kan sawn theihna atan MNF Sawrkar hmalakna tichak lehzual tur leh sawrkar laipui lama Mizoram aiawha theihtawp chhuaha ding tur Mizoram Lok Sabha MP tur leh Aizawl West-I bial hmasawnna tur leh Mizoram mipuite tana theihtawp chhuaha thawktu tur inthlanna tluang taka vote chhiar zawh a ni ta chu lawmawm an tih thu tarlangin, MNF MP Candidate, C Lalrosanga leh Aizawl West-I MNF bye Election Candidate, Zothantluanga-te hneh taka thlantlin an ni ta chu lawmawm an tih thu leh vote tlingtu zawng zawngte chungah thinlung taka lawmthu an sawi thu an tarlang

Hei bakah hian MNF thuchhuah chuan he inthlan pahniha MNF candidate-te pahnih hneh taka thlantlin an ni chuan MNF sawrkar, Chief Minister Zoramthanga kaihhruai mipuiin an rintawkzia a tarlang chiang hle ah an ngai tih an tarlang bawk.