UPC of Mizoram Serchhip Bial kum 25 tlin lawmna nei

United Penticostal Church (UPC) of Mizo-ram Serchhip Bial Silver Jubilee lawmna chu nimin Pathianni hmang khan neih a ni.

UPC of Mizoram Serchhip Bial kum 25 tlinna, Silver Jubilee lawmna hi Nilaini zan a\ang khan Hebron Biak In, Serchhip Tuikhuah Veng-ah neih a ni a, Nilaini zan khan Jubilee lawmna hawnna neiin inkhawm ban ah Tarpi Tlang-ah Jubilee Mei det neih nghal a ni a. Ningani zan khan a lawmna inkhawm neih leh niin Bial chhunga Kohhran tin te chanchin ngaihthlak leh a ni a, Zirtawpni khan inkhawm neiin Silver Jubilee puala Souvenir buatsaih chu Jubilee Organising Chairman, Upa T. Sangthanga chuan tlangzarhin hruaitu hlui te chawimawina hun hman a nih bakah Koh-hran member te zinga inkutsuih \ha duh tuak 11 te tan inkutsuihna hun hman a ni leh bawk.

Inrinni khan Jubilee lawmna inkhawm hi nileng-a neih leh niin Jubilee dar vawi 25 vuak a nih bakah Jubilee lungphun chu General Secretary, Rev. H. Lalrawnkima chuan a hawng a, Baptisma khur hawnna neih niin bialtu Pastor, Rev. PC. Lal\anpuia chuan Baptisma chang thar tur mi 37 te chu Baptisma a chantir bawk a. Zan lamah leh nimin khan inkhawmna neih chhunzawm niin nizan khan Jubilee lawmna hi zawhfel a ni.

UPC (NEI) kalphung siam\hat duhtu mi \henkhat te chu May 15, 1994 khan Upa K. Leisanga In, Serchhip Chhim Veng-ah an inkhawm hrang \an a, hemi hnu lawk hian Ser-chhip Darnam leh New Serchhip-ah te pawh Kohhran thar hi dinin a tirah 'North Mizoram District UPC' tih hming an pu a, amaherawh chu hun reilote ah Kohhran hi Mizoram hmun hrang hrangah ding zelin 'United Penticostal Church of Mizoram (UPC of Mizoram)' tih an lo ni ta a, tunah hian Serchhip Bial huamchhung ah hian tualchhung Kohhran 5 an awm mek a, Silver Jubilee lawmna ah hian Kohhran mipuite an tel \ha hle a ni.