Essential Commodities Protection Squad din a ni

Kolasib District huamchhunga mipui mimir nitin mamawh Petrol, Diesel, Khawnvartui, Buhfai leh LPG khawih chingpen \hin tihtawp dan tur ngaihtuaha sawrkar mi pawimawh te \hukhawm chuan Essential Commodities Protection Squad an din.

Nimin khan Kolasib District Bawrhsap, Zoengsanga Pisa-ah sawrkar mi pawimawh te \hukhawmin mipui nitin mamawh lakluh te khawih chingpen a nih chungchang hi sawiho a ni a, he hunah hian Bawrhsap chuan National Highway-54 kaltlanga Assam a\anga Mizoram a rawn lut mipui mimir mamawh khawih chingpen fo a ni \hin chu thil \halo tak leh veiawm tak, mipui te chanvo tur eiruk sakna chikhat a nih thu tarlangin, Kolasib District chu Mizoram luhka anih angin helai hmuna khawih chingpen a nih hian Mizoram puma mipuiten an tuar vek a, chuvangin heng Petrol, Diesel, Khawnvartui, Buhfai leh LPG khawih chingpen thin titawp tur hian khawtlang hruaitute nen tih takzeta thawhho a \ul thu a sawi bawk.

Hetianga dan bawhchhiatna awm \hin tihtawp anih theih nan hmalatu tur SP Kolasib kaihhruaina hnuaiah Essential Commodities Protection Squad chu he hunah hian din nghal a ni a. He Squad-ah hian SDO(S), Addl SP Kolasib, DIPRO, Inspector Legal Metrology, Sub Hqrs YMA aiawh mi pahnih leh Kolasib District MJA President te chu Member a ruat an ni a, Sub-Division Level-a Squad te thawhpui tur hian Police Squad pakhat- Kawnpui-ah din a ni bawk.

He \hutkhawm a tel te hian chak taka hmalak nghal relin, Gas buk tling lo, khawnvartui leh tuialhthei pawlh daltu man an awm anih chuan an lakah FIR thehluh \hin nise an ti a, Gas lak hma a buk thlap turin Branch tin YMA leh VC hruaitute hnenah ngenna siam nise an tih bakah hmalak dan tur dang pawh an duang bawk.