Latest News

Serchhip District-ah kumin hian TB vei 60 hmuin Nikshay Mitra hnuaiah mi 10 chauhin tanpuina an la hmu

Image
Serchhip District-ah kumin (2023) chhungin mi 867 te enfiahna atangin TB hrik pai mi 60 hmuh an ni tawh a. Serchhip District chhunga TB hrik pai mi 10 te hnenah Nikshay Mitra kaltlangin chawtha an eina tur pek mek niin mi tam zawkin an dawn theihna turin mi tlawmngai te penchhuak tura an duh thu thawktute chuan an sawi.

MLA thar rinawmna thu tiamin lakluh a ni

Aizawl West (ST) Assembly Constituency Bye-Election a thlan tlin, Zothantluanga chu nimin khan Assembly Speaker, Lalrinliana Sailo chuan Mizoram MLA ni turin rinawmna thu tiam tirin a lalut.
Nimin-a MLA thar lakluhna inkhawm hi Assembly Speaker Office Chamber-ah neih niin SR. Zokhuma, Commissioner & Secretary, Assembly Secretariat chuan a kaihruai a, he hunah han Speaker chuan MLA thar hi India Danpui hnuaiah rinawmna thu tiam turin a lalut a, MLA thar lakluhna hunah hian Chief Minister, Zoramthanga, Health Minister Dr. R. Lalthangliana, Home Minister Lalchamliana, Agriculture Minister C. Lalrinsanga, Assembly Dy. Speaker, Er. Lalrinawma, School Education Minister Lalchhandama Ralte leh Deputy Chief Whip Lalrintluanga Sailo bakah MLA te an tel a. MLA atana Zothantluanga lakluh a nih hnu hian Seat 40 awmna Mizoram State Legislative Assembly-ah Mizo National Front (MNF) chuan MLA pakhat neih belhin avaiin MLA 27 an nei ta a ni.
Nimin a MLA atana lakluh, Zothantluanga (Valtea) hi Subedar Lalruata (L) leh Biakhnuni (L) te fapa niin Aizawl Zotlang Veng-ah a nupui, Lalbiakmawii leh a fate nen an khawsa mek a, thiamna lamah Master of Arts (Sociology) degree nei niin St. Edmund's College, Shillong a\anga BA a zawh hnuin NEHU, Shillong a\angin MA (Sociology) a zirchhuak a. Tlawmngai Pawl leh Khawtlang rawngbawlna ah te mi inhmang tak niin Vengchhung YMA-ah te hruaitu nihna hrang hrang hun rei tak chhung lo chelh tawhin Village Council President leh Local Council Chairman te pawh a lo ni tawh bawk a ni.

Comments

Popular News (Last 30 Days)