Mizoram Bank te hmalak dan thlirho a ni

State Level Bankers Committee (SLBC) Mizoram Meeting chu nimin khan Chief Secretary, Lalnunmawia Chuaungo, IAS hovin neih a ni.
Secretariat Conference Hall, Aizawl-a he \hutkhawm ah hian Chief Secretary chuan Mizoram-a Bank ten sum deposit an hmuh a\anga Loan an pekchhuah, CD Ratio chu State dangte aiin ala hniam hle tih sawiin, hei hi Bank ten Loan an pekchhuah tlem vang a nih thu a sawi a. Mizoram-a Bank awm te chu State chhunga chengte hnena loan pek chungchangah beiseina sang tak a neih thu leh abik takin Private Bank te chu mipuite deposit lo dawng tur ringawt ni lovin, State hmasawnna tura mipuite hnena loan pek chhuah lamah hma la nasa lehzual tur leh mipui tana thawk tam leh zual turin a chah a ni. Tun dinhmunah Mizoram pumah Bank chi 28 awmin Bank te hian Branch 208 an nei a, heng te hi Public Sector Bank Branch 81, Private Sector Bank Branch 24, Regional Rural Bank Branch 85 leh Co-Operative Bank Branch 18 te a ni a, nikum December thla thleng khan Bank-a sum dahluh cheng vbc. 9693.16 leh Loan pekchhuah vbc. 3919.99 a awm a, CD Ratio chu 40.44% niin Financial Year thar (2019-20) atan NRLM (MzSRLM) hnuaia loan pek tur cheng vbc. 42.45, NULM hnuaiah loan chi hrang hrang 696 pekna tur leh PMAY-Urban hnuaia chenna In 2000 sak nana Loan pek turte bakah Loan pek tur (Annual Credit Target) cheng vbc. 2365.27-te pawmpui a ni bawk.

Comments

Popular News (Last 30 Days)

Serchhip DCSO sawn a ni