Lok Sabha inthlanpui neih tura PwD ten Vote an thlak theina tura ruahmanna enfiah

Lok Sabha inthlanpui lo awm tura Accessibility Observer, Sangdingliana chuan nimin khan Serchhip District rawn tlawhin rualbanlo ten Vote an thlak theihna tura inbuatsaihna hrang hrangte a enpui.
Mizoram sawrkar-a Secretary ni bawk, Sangdingliana hi Serchhip District Election Officer, Sangchhin Chinzah leh Election Official ten an lo dawngsawng a, Serchhip DC Office-ah inkawmna neiin Observer chuan pianphunga harsatna nei ten \ha taka vote an thlak theih chu sawrkar duhdan a nih thu a sawi a, Polling Booth-ah pawh awlsam taka an thlen ve theihna tur ngaihtuahsak leh vote thlakna kawngah pawh \anpui an \ulna apianga \anpui turin thuneitu lamte inbuatsaih a \ul thu a sawi bawk.
He hunah hian Serchhip District Election Officer, Sangchhin Chinzah chuan Serchhip District chhunga Assembly Constituency pathum (3)-a pianphunga harsatna neite (PwD) awm zat tarlangin, 26-Serchhip (ST) AC ah mi 61, 27- Tuikum (ST) AC-ah mi 60 leh 28-Hrangturzo (ST) AC ah mi 25, an vaiin mi 146 an awm thu a sawi a. Heng miten vote an thlak theih nana an kal lam leh haw lamte lo buaipui turin Mizoram People Forum (MPF) te beisei an nih thu leh PwD ten awlsam taka Vote an thlak theihna tura ruahmanna an siam te a sawi bawk.
Serchhip District tlawhtu Accessibility Observer for the Parliamentary Elections to the Lok Sabha 2019, Sangdingliana hian Serchhip-a Polling Booth te tlawh kualin PwD te tana awlsamna tur ruahmanna siamte a felfai em tih a hmunah a enkual a, he hunah hian K. Saitluanga, MIS, DIPRO Serchhip leh Election Official ten an \awiawm a ni.
Tun \uma Mizoram Lok Sabha inthlanpui lo awm turah hian Mizoram pumah rualbanlo (PwD) vote nei mi 3,331 an awm dawn a, heng mite hian awlsam taka Vote an thlak theihna turin sawrkar chuan ruahmanna hrang hrang siamin, Vote thlak Ni-ah Booth Level Officer (BLO) te chuan PwD te phurhkhawmna tur Motor an ruahman anga, Motor khalhtu leh neitute party \an bik nei an ni tur a ni lo thung. PwD vote thlak tur awmna Polling Official-te chu PwD te pui thei turin Sign Language (kut zaizir \awng) zirtir an ni a. Polling Station zawng zawng ah kailawn (Ramp) dah a ni a. Poll Day hian Polling Station-a PwD Voter pui turin Mizoram People’s Forum a\angin volunteer 2 tal an awm beisei a ni. Heng bakah hian District \henkhat ah chuan Vote thlak tura PwD kal te \hut hahdamna hmun tur pawh ruahman tura tih a ni bawk.

Comments

Popular posts from this blog

PAN CARD an tih teh fo hi - Laldinpuia