ZPM leh Congress thawhho chhan sawifiah

ZPM Chairman Lalliansawta chuan, “Sakhaw tih bik nei ten rorelna an chan hi kan ram tan a him loh avangin party nihna dah\hain ZPM leh Congress te hi kan thawkho ta a ni,” a ti.

Inrinni-a Aizawl Press Club-a chanchinthar lakhawmtute a kawmna ah ZPM leh Congress thawhho chhan hi sawifiahin, “India ram Constitution thuhmahruai a sakhaw zalenna ‘Secularism’ tih a awm hi keini in lawmawm kan tih tehlul nen Hindu lalram din tumtu te chuan hnawk an ti em em a, Parliament leh Rajya Sabha-ah an tam zawk hun hunah ‘Secular’ tihte hi paih thuai thuai an nghakhlel em em a ni,” a ti a. Kawng hrang hrangin Kristian te chungah kumtinin tuarna a pung tih sawiin, kum 2018-ah Biak In suasam \um 34 ngawt a thlen hman thu leh kumin thla 3 lek chhungin nasa takin a pung leh mek bawk niin a sawi bawk.