Act East Policy-ah Document mumallo niin sawi

ZPM leh Congress thlawp, Lok Sabha MP inthlan lo awm tura Independent Candidate Lalnghinglova Hmar chuan Act East Policy-ah Prime Minister leh Minister dangte thusawi bak policy document mumal tak a lo la awm meuh lo niin a sawi.

Mizoram chhimlama Campaign-a zin mek Lalnghinglova Hmar hian nimin zing khan Lunglei-ah thuthar thehdarhtute kawmin he thu hi a sawi a, MP atana thlantlin a nih chuan mumal zawk leh Mizoram tana \ha zawk tur policy a awm theihna atan hma a lak tur thu leh a \ulna hmunah a bawhzui tur thu a sawi a. “Hmasawnna thil \ha tak a ni a, mahse a chhawrtu tur ram mipuiten an chhawr a, an chhiatpui lohna atana \an lak a \ul a ni,” a ti bawk.

Independent Candidate, Lalnghinglova Hmar chuan Bangladesh nena inkalpawhna atana passport emaw lehkha ngai \hin pawh kenkawh mumal anih tawh loh thu sawiin, “Tunah chuan Bangladesh a\angin a duh an lo lut a, a duh an chhuak a ni. Ramri inkalpawhna hi state subject a nih chiah loh avangin state sawrkar tan tih harsa chin a awm a, MP ka nih chuan hemi atan hian hma ka la ang,” a ti a, ramri-a check post mumal tak siam pawh a thil ngaih pawimawh, a hmalakna tur anih thu a sawi bawk. MNF President-in CAB bak an khingpuiten beihna tur an hriat loh thu a sawi chungchanga zawhna chhangin Lalnghinglova chuan, “Ka khingpuite beih vak vak hi ka thil tum a ni lo a, tih loh zel ka tum,” a ti a, MLA inthlan neih zawh takah MNF-te ngei pawhin an sawm ve avangin anni lam pawhin an duh der ve nia a hriat thu a sawi bawk.