Mizoram-a District thar pathum ah DC hovin Independence Day lawmtir tum a ni - Chief Minister


Mizoram Chief Minister, Zoramthanga chuan Saitual, Hnahthial leh Khawzawl District te chu an DC hoin kumin August ni 15-a Independence Day lawmtir an tum tih a sawi a. Lottery kalpui mek chu thil laklawh a awm avanga Court-in chhunzawm tura a tih anga thla thum (3) chhung chhunzawm tur a nih thu a sawi bawk.

Nimin khan MNF President leh Chief Minister ni bawk, Zoramthanga chuan MP Election Campaign-in Saitual a tlawh a, mipui \hahnem takin lawmthu sawina thuziak chi hrang hrang nen Keifang Dawrkawn a\angin an lo hmuak a, au rualna hunte hmangin Saitual Dawrkawn-a\angin a thusawina hmun, Bazar thleng an zawn a, hetah hian Vantlang inkhawm neih zui a ni bawk.
He hunah hian MNF President, Zoramthanga chuan District thar pathum te function turin mei an nun tih sawiin, a khawnpui Finance Department a\angin a \ul angin an tuah belh zel dawn niin a sawi a, “Kumin Independence Day-ah an DC ngei flag pawh pharhtir kan tum a ni,” a ti a. District thar ramri-a rinluh duhlo chu an duh duhna ah tel an remti ang tih pawh sawiin, Aizawl District mipui nuai thum chuang awmnaa Office dawr hautak lutuk kara awm reng ai chuan thil tih zung zung awlsamna District te zawka awm chu chak an la tam tulh tulh dawn niin a sawi bawk.
Chief Minister, Zoramthanga chuan Lottery chungchanga Election Commission-a an hekna chu sawrkar hmasa sulhnu kal zel a nih thu sawiin, “Lottery chungchang hi Zu zawrh ang deuh kha a ni a, thil kal laklawh a awm avangin Court-in chhunzawm tura a tih anga thla thum chhung chhunzawm tura tih a ni e,” a ti a. “Pu Hawla hun lai khan company agent pali-te distributor atan lak an ni a. Agent pali-te hian draw khat Rs. 40,000/- a an ngam laiin draw khat Rs. 20,000/-in an pe tlat a. An term \um hnih a zawh hnuah pawh rate ngaiin vawi 2 an hun pawhsei sak an ni. A \um thumna atan pawhsei sak leh an tum a, nasa takin kan nawr a, inthlan a lo hnai nen an tihtawp sak ta a. Distributor hian Court-ah sawrkar min khing ta a, Model Code of Conduct puan a nih avangin Tender thar a chhuah theih si lova, Court chuan, Tender thar tihchhuah a nih theih hma lo kalpui leh rih turin min ti ta a ni,” a ti bawk.

Comments

Popular posts from this blog

PAN CARD an tih teh fo hi - Laldinpuia