YMA member-te inpekna leh hruaitute thawhrimna hi chhuan tlak a ni - President, CYMA

Central YMA President, Vanlalruata chuan YMA in tunhnaia thil thleng an hmachhawn dan hrang hrangah inlungrual taka hma an la ho thei \hin chu thil lawmawm tak a ni tih sawiin, YMA member-te inpekna leh an hruaitute thawhrimna chu chhuan tlak a nih thu a sawi.

Central YMA hnuaia thuneitu sang, Central Co-ordination Committee (CCC) \hutkhawm vawi 89-na chu nimin a Aizawl Tuikhuahtlang-a Central YMA Hall-a neih ah he thu hi sawiin Central YMA President, Vanlalruata chuan, ram leh hnam tana \ha tur thil pawimawh ah chuan YMA chu a intelruhin, an \angrual \ha hle tur a ni, a ti a. Tunhnaia thil thleng an hmachhawn dan hrang hrangah inlungrual taka hma an la ho thei \hin chu thil lawmawm tak a nih thu leh hun lo kalzel turah pawh tun aia \ha zawka an thawhho zel theih a beisei tih a sawi. Vanlalruata chuan, tunhnaiah Mizoram leh Hnam tan thil pawimawh hmachhawn a awm zeuh zeuh tih sawiin, heng thil chi hrang hrang an hmachhawnnaa YMA member-te inpekna leh an hruaitute thawhrimna chu chhuan tlak a ni, a ti a. Hetiang taka thawhhona \ha an neih theih \hin avangin an thil do leh tum chu an tih hlawhtlin theih phah \hin nia sawiin, YMA member-te chu an theihna zawn \heuhah ram leh hnam tan theihtawp chhuah chhunzawm zel turin a sawm bawk. 
He huna tarlan a nih danin Central YMA hnuaiah Ruihhlo do pawl, Supply Reduction Service (SRS) chuan nikum December a\anga thla hmasa thleng khan ruihhlo chi hrang hrang leh pawisa lem, Cheng Vbc. 4. 73 chuang man an man tawh a. SRS te thil man zingah hian Heroin Hawng 188 (Rs. 65,80,000 man) leh Can 1436 (Rs. 35,90,000 man) te; AP/TRAMA mum 13,997 (Rs. 2,79,940 man) te; Ganja Kg. 2 leh Pocket 422 (Rs. 27,100 man) te; Khuh damdawi Bottle 130 (Rs. 19,500 man) te; Methamphetamine Tab 1,02,424 (Rs. 3,58,48,000 man) te; Morphone Amples 985 (Rs. 9,850 man) te; Whisky um 82 (Rs.28,700 man) te; Rakzu Fun 246 (Rs.12,300 man) te; Cyclopum Tablet 370 (Rs. 3,700 man) leh Pawisa lem Rs. 6,47,500 hu te a tel a. Ruihhlo khawih leh zuartu mi 959 manin, mi 82-te Home-ah an dah a, Excise-ah mi 18, Police kutah mi 16 an pe a ni.
CCC \hukhawmnaah hian Central YMA Office Bearer leh CEC member-te bakah Sub-Hqrs. aiawh mi 6, Group YMA aiawh mi 2 leh Aizawl khawpui chhung Branch a\angin aiawh pakhat \heuh an tel a. CCC \hutkhawmna hi tun thla ni 10-a neih tur kha ni mah se, MP thlan nen a insut buai avangin sawn niin hmalakna tur hrang hrang te sawiho a ni bawk.

Comments

Popular posts from this blog

PAN CARD an tih teh fo hi - Laldinpuia