Consumer te i harh ang u : Ni 1 chhung leka awlsam taka PAN CARD neih dan

Consumer te i harh ang u :

Ni 1 chhung leka awlsam taka

PAN CARD neih dan

- Laldinpuia, Secretary, SDCA

PAN Card hi kan leklamin kan sawilar ta hle mai a, hetihlai hian \henkhat chuan a kalphung hre miah lovin neih ngei ngei tur emaw kan ti a, mamawh vak lo chung pawhin man chawiin kan siamtir ve mai a. |henkhat ve thung chu mamawh em em mai, mahse vawi tam tak siam hnu pawha chhuak hleithei chuang silo te kan awm. Hemi chungchangah hian kan harsatna chinfel dan tur leh awlsam taka Pan Card neih dan i lo tarlang dawn teh ang.
Engvangin nge i PAN Card dil a chhuah ve theihloh?:
A chhan bul ber chu i document a dik tawkloh vang a ni \hin. Mizote hian hnam hming hi hming bulah kan dah nasa hle mai a, hei hian online system a document enter dawnin harsatna min siam ta fo mai. Kan fimkhur a ngai hle. Kan document a dik loh chuan vawi engzaha tam pawh dil mah ila a chhuak chuang lovang. Tunah phei chuan Aadhaar Card neihloh chuan Pan Card hi a dil hleihtheih ta lo a, chuvang chuan Aadhaar Card hi a pawimawh lehzual tawh em em a ni. Kan Voters ID leh Birth Certificate te dik mahse Aadhaar Card ber a dikloh chuan Pan Card a chhuak thei chuang lo a ni. Kan Pan Card dilnaa kan tihdikloh thenkhat langsar zual te chu-
1) Kan hmingbula Hnam hming kan dah hian tuna online system kalphungah chuan hawrawp mal chauh a dah theihloh a, entirnan V tih ringawt lo dah ta ila, V chu Vangchhia tih anih chuan Pan Card dilnaah khan Vangchhia tih kha kan dahtel a ngai \hin a ni. Tin, Digit 2 hi a dah theihloh a, entir nan PC, PL tih ang chi te hi a system-ah a hmu thei lo. Digit 3 chin erawh a enter theih thung.
2) Hming lamtawi emaw, Hnam hming kan dahin a dawtah full stop kan dah \hin a. Pan Card dilnaah hian Special Character (full stop, comma, hiphen etc) ang chi hi a dah theihloh.
3) Aadhaar awm hma khan Voters ID hi Document proof atan hman ber \hin a ni a, tam tak chuan kan Voters ID-ah kan pa hming kan dahlo \hin (A bikin hmeichhe pasal nei tawh nen an pa hming aia a an pasal te hming dah an ching). Official document-ah chuan kan kawppui te aiin min hringtu pa hming dah tur a ni.
Awlsam taka Pan Card neih dan :
Tunah chuan Document dik tan chuan awlsam takin darkar 24 lekah Pan Card hi a neih theih tawh a ni. Hemi atan pawimawh ber chu i Aadhaar Card kha a ni. I Aadhaar Card a dik a, i Aadhaar a i phone number a in link phawt chuan ni 1 chhung lekin Pan Card hi a issue theih tawh a, a awlsam tawh em em a ni.
Chumi ti tur chuan kan document a dik a ngai a, kan hming a dik a ngai a, kan hming bula hming lamtawi a awm chuan siam\hat erawh a ngai thung. Entirnan kan hming kha K. LALLIANA te lo ni ta se K kha Khawlhring ni ta se, Pan Card rang chi a dil theih dawnloh a, chuvang chuan Aadhaar thlalakna ah kalin ‘Khawlhring Lalliana’ tiin kan thlaktir ang a, chumi kan thlaktir chu a system ah ni 1 hnu velah a lut \hin a, a luh veleh Pan Card chu kan siam tir ang a, Pan Card ah chuan kan hmingah K LALLIANA tiin a dah theih thung. Tichuan Aadhaar i siam\hat Khawlhring Lalliana tih kha Document a hmang lovin i Aadhaar hmasa K LALLIANA tih zawk kha i hmang leh ang a, Pan Card leh Aadhaar Card-a i hming kha a inang chiah tawh ang. Aadhaar Card data ah erawh Khawlhring Lalliana tiin a awm ang a, mahse kha kha K lampum tho anih avangin buaina a awm chuanglo ang, hemi i duhloh leh Pan Card i neih hnuah i Aadhaar kha K LALLIANA tiin i dahlet leh thei bawk ang. Pan Card a rang chi a siamna ah hian Passport leh Document dang engmah a ngai lova, i Aadhaar Card kha a tawk a ni. Tin, i Aadhaar Card a i hming dik mahse Aadhaar thlalak laia i phone number hman kha i la hman zel loh chuan One Time Pasword i dawng thei lovang a, a dik thei lovang, chuvang chuan i Aadhaar a phone no i hmang tawhlo anih pawhin Aadhaar thlalakna ah Phone no hi a dahtir mai theih a ni.
Tichuan ni 1 hnuah emaw, a ni la la in emaw SMS hmangin i Pan Card No. i dawng ang a, a hnu kar 1 emaw kar 2 velah Dak a\angin i Pan Card taka chu a lo thleng ang. A Card hi i mamawh nghal anih chuan SMS i dawn veleh i siamtirna ah khan a download theih nghal bawk. Pan Card siam nana thlakhat (1) vel nghah ngai \hin kha nikhat 1 lekah i document a dik thlap chuan i nei thei dawn tihna anih chu.
I Pan Card a chhuah theih leh theihloh tur hi i dil laiin a hriat theih vek a, chuvang chuan pawisa a chawi thlawn theihloh bawk. Pan Card siamna atan hian Rs. 107/- deposit a ngai a, mahse a dilsaktute hian Bank charge leh a dil man belhkhawm nen Rs 250/- an la tlangpui.
For any enquiry contact :
9089284538

Comments

Popular posts from this blog

PAN CARD an tih teh fo hi - Laldinpuia