Mizoram-a Vaimin eichhetu Pangang puang in cheng vbc. 18.4 hu Vaimim an eichhe tawh

Mizoram hmun hrang hranga Vaimin eichhetu Pangang, Fall Armyworm puang mekin cheng vbc. 18 leh nuai 4 man hu Vaimin a eichhe tawh a, hemi chungchanga hmala turin Rapid Respond Team din a ni tawh.
Agriculture Director, Rohmingthanga Colney chuan, he Pangang hian Mizoram pum a d^p tawh tih a sawi a, hriat theih chinah khaw 80-ah Pangang hnuhma hi hmuh tawh niin, ram Hectare 1,409-a Vaimim a eichhe tawh niin a sawi a ni. Pangang puang hian Aizawl District-a khaw 31 a luhchilh tawh a, Kolasib District-ah khaw 5, Mamit District-ah khaw 10, Serchhip District-ah khaw 10, Lawngtlai District-ah khaw 4, Lunglei District-ah khaw 10, Siaha District-ah khaw 4 leh Champhai District-a khaw 6-ah bu a khuar mek tih a sawi bawk.
Zawhna chhangin Rohmingthanga Colney chuan, tun dinhmunah he rannung thahna hlo hi ngah lutuk lo mah se, a mamawhtute hnena semchhuah tur tlem a zawng chu an la neih thu a sawi a, hetihrual hian neih sa an ngah tawh loh avangin a lei belhna tur Sawrkar ah dil belh tum a ni a, Hlo Tur supply tute pawh dah khawlsa nei reng turin an hriattir tawh bawk tih sawiin, he pangang vanga harsatna thleng mek chungchang hi Sawrkar laipui pawh hriattir a ni dawn tih a sawi.
Agriculture Director chuan, Fall Armyworm puang vanga harsatna chu sutkian a nih theih nan Department chuan theihtawp a chhuah tih pawh sawiin, an Department-a thawktute pawh thlai hmunah kalin thil awmdan enfiah tir zel an ni tih a sawi a, he Pangang in a tihbuai loneitute pawh Pangang thahna hlo a thlawna pek an nih bakah a hman dan zirtir an ni a, hemi kawngah hian chak zawka hmalak a nih theih nan hmalak a nih thu a sawi bawk.
Hetihlai hian Serchhio DAO, C. Lalnithanga chuan tunlaia Vamin eichhetu Pangang suat nan leh Vaimin ven nan engtikla pawhin a thlawnin rannung thahna hlo (Insecticide) chu Vaimim chingtute tan District Agriculture Office-ah lak theih reng a nih thu an sawi bawk.

Comments

Popular posts from this blog

PAN CARD an tih teh fo hi - Laldinpuia