Lok Sabha MP thlang turin Mizoram mipui ten tukin dar 7:00 a\angin Vote an thlak dawn

Mizoram-a Lok Sabha inthlanpui neih tur atan inbuatsaihna peihfel a ni ta a, Serchhip District chhunga inthlan buapuitu tur, Polling Party te pawhin nimin zing khan an duty-na tur hmun pan \anin tluang takin an duty-na tur hi an thleng a, tukin dar 7:00 a\anga tlai dar 5:00 thlengin Vote nei te tan Vote thlak theih a ni ang.

Lok Sabha inthlanpui neih tur hian Serchhip District-ah inbuatsaihna hi tluang taka kalpui a ni a, Serchhip Election Officer, Vanlalhmachhuana chuan he inthlanpui neih tur atan hian inbuatsaihna tluang taka kalpui a nih thu hi sawiin, Lok Sabha inthlanpui neih turah hian Serchhip District chhungah Assembly bial pathum (3) awmin vote nei mipa 24,758 leh hmeichhia 25,524, an vaiin mi 50,282 an awm thu a sawi a, heng mite Vote thlakna tur hian Polling Station pawh 77 ruahman niin Polling Station awm zawng zawng a\anga zaa 10, Polling Station 8 chu Hmeichhia te chauh duty-na tur, Dingdi Polling Station tia vuah a ni a, heng te hi 26-Serchhip (ST) AC-ah Serchhip-VI, Serchhip-XI leh New Serchhip-III te; 27-Tuikum (ST) AC-ah Phulmawi, Buhkangkawn leh Chhiahtlang-III leh 28-Hrangturzo (ST) AC-ah Chekawn leh Bungtlang-I Polling Station te a ni a. Polling Station hrang hranga duty tur hian Polling Party 77 bakah 30% reserve siam niin Polling Official hi mi 308 niin hei hi Polling Station tinah mi 4 \heuh an ni a, anni bakah hian Reserve atan mi 112 dah niin an vaiin Polling personnel hi mi 420 ruat an ni a, heng mite bakah hian Polling Station tinah hian Police duty mi 2 zel dah an ni bawk.

Tun \uma Lok Sabha inthlanpui neih turah hian Serchhip District chhunga Polling Station 77 zingah hian Web Casting/Live Telecast tihna tur Polling Station 10 ruahman a nih thu EO chuan sawiin, Serchhip District chhungah hian Critical Polling Station leh Vulneriable Polling Station a awmlo bawk a ni. Serchhip District-ah hian pianphunga rualbanlo (PwD) vote nei mi 146 awmin heng mite hian inthlan Ni-ah Vote an thlak theihna turin lirthei pawh ruahman niin  harsatna awm lovin inbuatsaihna hi kalpui a nih thu an sawi a ni.

Serchhip District-a he inthlanna buaipuitu tura ruat Polling Party te hian nimin zing dar 7:00 a\ang khan inthlanna hmanraw kim nen an duty-na tur hmun hi an pan \an a, Polling Station chhuak hmasa ber, Tuikum Assembly Constituency-a Rullam P/S, Thinglian P/S, Lungpho P/S leh Ngen-tiang P/S bakah Hrangturzo Assembly Constituency-a Hmunzawl P/S-a duty turte chuan zing dar 7:00-ah Serchhip DC Office hi an chhuahsan a, hemi hnu hian Polling Station hrang hranga duty turte pawh chhuak zuiin a chhuak hnuhnung ber Thenzawl-V a duty turte chuan chawhma dar 11:41 khan Serchhip DC Office hi an chhuahsan ve leh bawk a. Polling Party te hian harsatna tawk lovin an duty-na tur \heuh hi tluang taka thlengin a thleng hmasa ber, Chhiahtlang-I P/S-a duty turte chuan chawhma dar 10:00-ah an thlen thu report in a thleng har ber, Hmunzawl P/S chuan tlai dar 5:40-ah an thlen thu an report bawk a ni.

Vawiin-a Lok Sabha MP inthlanpui awm turah hian Mizoram chhunga vote nei mi 7,87,777 awmin an zinga 3,83,603 chu mipa an ni a, mi 4,04,169 chu hmeichhia niin mipa aiin hmeichhia vote nei 20,566-in an tam a. Voter zingah nihna thlakthleng (transgender) mi panga (5) an awm bawk a. Polling Station 1,175 siam niin, lirtheia kalpawh theih loh pakhat a awm a. Polling Station-a inthlan buaipui turin mi 4,812 ruat an ni. Venhimna lam buaipui turin mi 4,409 ruat an ni a, chung zinga company 12 chu Central Armed Police Force-te niin, a bak zawng chu Mizoram State Police an ni.

Vawiin tlai dar 5:00-a Vote thlak zawh a nih veleh Polling Official te hian inthlanna hman-rua nen DC Office an pan nghal dawn a ni.