Mizoram-a Lok Sabha inthlanpui neih zawh takah Vote nei zinga 63.08% ten Vote an thlak

Niminpiah a Mizoram Lok Sabha inthlanpui neih zawh taka Mizoram puma Vote tlak dan hriatchian ni tawhin Vote za zela 63.08 a tla a. Hemi ruala Aizawl West-I biala Assembly bye-election neih ah pawh Vote za zela 72.05 tlain he inthlanna ah hian harsatna liantham thleng a awm lo a ni.

Lok Sabha inthlanpui vawi 17-na neih zawh taka Mizoram puma Vote tlak dan hi District hrang hranga District Election Officer te chuan Mizoram Chief Electoral Officer hnenah thehlutin heta tarlan a nih danin tun \um Lok Sabha inthlanpui ah nkhan Mizoram pumah Vote nei thei Mipa 3,83,603 leh hmeichhia 4,04,169 bakah a dang 5, an vaiin vote nei thei 7,87,777 awmin heng a\ang hian Mipa 2,43,968 leh hmeichhia 2,52,710, an vaiin mi 496,927 ten Vote an thlak a, Vote nei thei a\angin mi za zela 63.08 ten Vote an thlak ang a ni. Mizoram District hrang hrang ah Vote zaa 70 tlak phakna a awmlo a, District hrang hrang zinga Vote tlak \hatna ber Lunglei District-ah chuan 65.37% Vote a tla a, a tlak chhiatna ber Siaha District-ah chuan Vote zaa 60.03 a tla a ni. Lawngtlai District-ah 64.69% tlain Serchhip District-ah Vote 63.92% a tla a, Mamit District-ah 63.15%; Aizawl District-ah 62.80%, Kolasib District-ah 61.91% leh Champhai District-ah 61.39% a tla bawk a ni.

Mizoram-a Assembly Constituency 40 awm zingah West Tuipui bial chu Vote tlak \hat berna bial niin Vote nei zawng zawng a\anga za zela 74.86 a tla a, Lawngtlai East Constituency bial chu Vote tlak chhiat berna bial niin Vote nei zawng zawng zatve awrh, zaa 51.43 in Vote an thlak a ni. Mizoram pumah Dozamanga (109), Khawlian chu Vote thlak upa ber nia hriat a ni a, Serchhip District-ah Thatchhunga (101), Chhing-chhip khua chu Vote thlak upa ber a ni bawk.

Mizoram Lok Sabha inthlanpui neiha Vote thlakna atana hman EVM leh VVPAT te hi District tina Strong Room-ah lakkkhawm nghal niin nimin tlai khan Vote thlakna khawl zawng zawng hi Strong Room-ah dahfel hman a ni a. Venhimna khauh tak hnuaiah dah niin thla thar May 23 khian ramchhung hmundanga Vote tla te nen a ruala chhiar tur a ni ang.