NGO Coordination Committee ten Mizoram puma Total Bandh neih an tum chu \hulh leh a ni

Tripura Relief Camp 6-a Bru vote nei ten Electoral Roll a an hming chuanna Polling Station \heuhva vote an thlak ngiat vanga NGO Coordination Committee in tun thla ni 8 a\anga tiamchin awm lova Total Bandh neih an tum chu \hulh a ni.
Hemi chungchangah hian niminpiah khan Chief Secretary, Lalnunmawia Chuaungo leh sawrkar hotu \henkhat te, Election Department hotute leh NGO Coordination hruaitute chu an inhmukhawm a, heta an thurel bawhzui hian nizan hmasa zanrei lam tawh ah khan NGO Coordination Committee hruaitute hi \hukhawm lehin April ni 8 (Thawh\anni) a\anga Mizoram pum huapa tiamchin awm lova pawn chhuah khap (Total Bandh) huaihawt an tum chu an \hulh ta a. NGO Coordination Committee-in nizan hmasaa thuchhuah a siam chuan Mizoram sawrkar aiawha Chief Secretary thu thlente chu thutlinga an pawm tak avangin bandh hi \hulh a ni ta tih an tarlang a ni.
NGO Coordination Committee thuchhuah chuan Bru ho vanga harsatna tawh \hinte pawh a tawp ngei beiseina an neih thu leh Mizoram-a lolet duhlo te ngaihsak zui tawh lo tura Mizoram sawrkar leh Ministry of Home Affairs-te’n hma lak nghal an tum avang leh a tawp tak takna atana Bru ho hruaikir hna pawh kumin chhung ngei a zofel nghal tura hmalak an tum chu lawmawm an tih thu an sawi a. Sawrkar hmalak tumna chu NGO Coordination chuan ring tawkin Parliament inthlanpui boycott a tum leh April ni 8 a\anga tiamchin awm lova Total Bandh huaihawt a tum chu thu leh awm hma chuan \hulh turin a rel ta a. Sawrkar chu an hmalak tumna a hlawhtlin ngei theihna’n chak taka hma la turin a beisei bawk tih an tarlang a ni.
NGO Coordination Committee in Total Bandh neih tum an \hulh hma hian Lunglei NGO Coordination Committee leh Kolasib YMA Sub-Hqrs. te chuan NGO Coordination Committee-in State pum huap Total Bandh neih tura thu a lo tihtluk tawh chu ngaihtuah nawn leha, thutlukna dang siam turin an ngen a, ram puma mipui nun tibuai lo zawnga hma la turin an ngen nghal a. Mara |halai pawl (MTP) leh Lai |halai pawl, YLA chuan NGO Coordination Committee kal tum dan chu an thlawp dawn leh dawn loh la ngaihtuah an tum thu an sawi bawk a ni.
Nimin khan Home Department chuan thuchhuah siamin NGO Coordination Committee ten State Sawrkar leh khawtlanga rualu te ngenna ngai pawimawh a April ni 11-a Lok Sabha Election neih tur boycott an tum leh April ni 8, 2019 a\anga Total Bandh huaihawt an tum an \hulh ta chu lawmawm an tih thu an tarlang a. Mizoram in tluang, fel fai leh muanawm taka election a neih theihna tura hmalatu te chungah lawmthu an sawi bawk.

Comments

Popular News (Last 30 Days)

Vawiin-ah HSSLC Exam result