MPCC leh ZPM ten Mizoram CEO hnenah MP Candidate List tar chungchang an thlen

MPCC & ZPM Publicity Committee chuan thuchhuah siamin Lunglei District-a election Official-ten MP candidate list an tihchhuah chungchang chu Mizoram CEO hnenah an thlen thu an sawi.

Nimin-a thuchhuah an siamah Mizoram Pradesh Congress Committee (MPCC) leh Zoram Peoples’ Movement (ZPM) Publicity Committee chuan Lunglei District-a Election Official-ten MP candidate list an tihchhuaha Lalnghinglova Hmar (Sl. No.5 ) leh Lal Hriatrenga Chhangte (Sl. No. 4) te an dah thlakthleng nia tarlangin, hei hi pawi an tih thu leh thingtlang hmun tam takah Mipui Candidate, Lalnghinglova Hmar-in vote a hloh \euh dawn nia an hriat thu an tarlang a. Hei hi pawi an tiin mipuite hruaisual tura MNF sawrkar hmalakna pakhat a nih an hlau hle tih tarlangin, hemi chungchanga action la tur hian niminpiah April 11, 2019 chawhnu lam khan Mizoram CEO hnenah MPCC leh ZPM chuan complaint an thehluh thu leh dan ang taka action lak a nih ngei an beisei thu an tarlang bawk.

Hei bakah hian MPCC leh ZPM chuan Vanglaini chanchinbu-in MNF party Symbol chungchanga tihsual an neih avanga Mipui Candidate, Lalnghinglova Hmar show cause notice pek a ni chu an hrethiam lo hle tih pawh tarlangin, Lalnghinglova Hmar, MP candidate chu Vanglaini Publisher leh Editor pawh a ni lo leh he thila mawhphurhna neilo nia tarlangin, MNF hian complaint an siam duh a nih pawhin Vanglaini Publisher/ Editor laka siam tur zawk an nih laia MP candidate Lalnghinglova Hmar an hmer tel \alh chu rilru chhiat thlak an tih thu leh politics hri \halo tak, mipui rilru hruai sual tumna dik takah an ngaih thu an tarlang a. Vanglaini chanchinbu hminga a neitupa, K.Sapdanga’n ngaihdam a dil vek tawh hnu pawha hetiang a an la chhu zui zel duh chu a Mizo lo takzet a, Nationalist party inti tan phei chuan thil tih chi loh tawpah an ngai tih an tarlang a ni.

Heng Pawl pahnih te thuchhuah chuan MP Election leh MLA Bye-Election tluang taka neih zawh a ni ta chu lawmawm an tih thu pawh sawiin, “Khua leh tui kan nih anga mawhphurhna hlen a, Vote thlaktu mipui zawng zawngte leh Mipui Candidate-te pahnih, Lalnghinglova Hmar (MP Candidate) leh Lalbuanga Sailo (MLA candidate) lo vote-tu zawng zawngte chungah lawmthu kan sawi a ni,” an ti bawk.