NDA leh NEDA-ah MNF an tel ngei tih sawi

MPCC-ZPM Joint Publicity Committee Vice Chairman, Lalsang-zuala Hmar chuan BJP in a din, NDA leh NEDA-ah MNF an tel ngei tih a sawi.
Nimin a Aizawl Press Club-a thuthar hthehdarhtute a kawmna ah Lalsangzuala Hmar chuan Mipui bum tumin MNF Party President Zoramthanga chuan BJP an zawm loh thu \awngkam thiam takin sawi mam a tum \hin, a mam thei tak tak lo tih hi Mizoram mipuite pawhin kan hre chiang tawh hle tih a sawi a. BJP in a din NDA leh NEDA-ah MNF an tel a ni tichiang lehzual tu, mi tam takin kan la hriat loh chu Bharatiya Janata Party (BJP) Official website-ah chiang taka tihlan a nih thu leh India rama BJP kaihhruai NDA in sawrkarna state a lak zingah Mizoram chu telh a ni tih sawiin, Mizoram Map pawh Serthlum rawnga (Hindu rawng pawimawh, BJP rawng hman) chhinchhiah a ni tih a sawi a. “Khawvela thil awm zawng zawng chhinchhiahna tia sawi ngam, website lar tak wikipedia pawhin MNF chu BJP kaihhruai NDA zawmtu a ni tih chiang takin a tarlang a, BJP in India rama sawrkarna a siam theihna tura pawl a din, Hindu kulmuk pawl RSS thluak hmanga kal, BJP duhdan thlapa hma latu NDA thlawptu zingah MNF chu number 16-na a ni,” a ti a. ZNP leh MPC te chu an inhnuhdawh ngam avangin an hming a chuang ve lo tih a sawi bawk.
MPCC-ZPM Joint Publicity Committee hruaitute chuan kum 2018 Mizoram inthlanpui dawn khan MNF chuan an mithiam, Dr. R. Lalthangliana duan SEDP an zuar tih sawiin, an party President Zoramthanga pawhin uar takin cheng nuai 3 sem a nih tur hmun hrang hrangah a sawi thu leh SEDP an tlangzarh ni March 24, 2017 khan Zoramthanga hian “Nuai 3 chhungkaw khat hnenah sem a ni ang,” tiin a sawi ngei tih an sawi a, mahse tunah chuan Budget Session-a Governor thusawiah SEDP a lang tawh lo tih an sawi a. Dr. R. Lalthangliana chuan SEDP \hat zia hi ala sawi zel nia sawiin, amaherawh chu MNF sawrkara sumbawm vawngtu Finance Minister, Zoramthanga chuan a sawi lang tawhlo niin an sawi.
Hei bakah hian MPCC-ZPM Joint Publicity Committee hruaitute chuan April 4, 2019 khan Robert Romawia Royte chuan ITI leh Mission Veng Bazar-a Street Campaign a neihah SEDP atan budget-ah cheng nuai 45,000 dah a nih thu a sawi laiin April 6, 2019 khan Lalruatkima chuan Aizawl Press Club-ah SEDP atan budget-ah cheng nuai 75,000 an dah thu a sawi tih pawh an sawi a. SEDP chu ruahmanna mumal awm lo project, inthlan dawn hnaih apianga an duh duh dana an sawi kual kawi vel mai mai a ni tih an sawi a. “Tuna MNF sawrkarah hian budget an pharh kan la hre lova, Vote on Account in thla li chhunga sum hman lailawk tur House-ah an dil lek a ni a, budget-ah kan dah titu Minister pahnihte hi budget hrethiam lo tur an ni lo, mipuite min bum an tumna mai mai a ni,” an ti bawk.

Comments

Popular posts from this blog

PAN CARD an tih teh fo hi - Laldinpuia