Saza chunga kutthlak ASEP in pawi an ti

Association for Environmental Preservation (ASEP) General Hqrs. chuan tunhnaia Saza chunga kutthlakna a thleng mawlh mawlh chu pawi an tih thu an sawi.

Nimin a thuchhuah an siamah ASEP General Hqrs. chuan nimin zing khan Bilkhawthlir khawchhung Kharzawl Veng bulah State Animal Saza (Serow) hliam chau tak kawngpuiah a lo chhuak tih tarlangin, a nghawng ah kahna hnuhma ni awm tak a awm bakah a ke-ah hliam a awm bawk tih an tarlang a. Hemi hmalam April 13, Inrinni kalta khan World Bank Road tia hriat, Zampuimanga thlan piah deuh, \awng\aina hmun kawng sirah State Animal Saza hliam hmuh niin Thang awk chhuak leh nia langin enkawl a nih hnuah nimin zing khan a boral tawh bawk a. Hetianga State Animal, Saza chunga kutthlakna a thleng mawlh mawlh mai chu pawi an tih thu ASEP thuchhuah chuan tarlangin, pawi khawihtute an dem thu leh manchhuah an nih chuan Dan anga hremna lekkawh ngei an phut thu an sawi a. Kan ram nungcha hlu takte ti chimit zawnga tha thlahtu ni lo va, humhalhtu ni t\euh turin Zoram mipuite an ngen bawk.