Serchhip-ah World Veterinary Day hmang

Inrinni khan khawvel pumah World Veterinary Day hman a ni a, Mizoram-ah pawh AH & Vety Department huaihawtin he Ni hi hman niin Ui ^ hri danna pek beihpuithlakna atan he Ni hi hman a ni.
World Veterinary Day pual hian Serchhip-ah chuan Serchhip AH & Vety Dispensary-ah hun hman niin Ui ^ hri laka Ui leh mihringte kan lo fihlim theihna turin a thlawna Ui ^ hri danna pek beihpuithlakna atan he hun hi hman a ni a, he hunah hian Serchhip DVO, Dr. C. Zarzokima, CVO Dr. R. Lalmak-thanga, Veterinary Officer Dr. H. Vanlalrawna leh North Vanlaiphai a\angin Vety Officer, Dr. C. Lalnunpuia ten Ui ^ hri danna hi an pe a, Ui ^ hri danna hi a pek dan pangngai ah chuan Ui pakhat zelah Rs. 60/- chawi ngai niin amaherawh chu he Ni pual hian a thlawna hri danna hi pek vek an ni a, zing dar 9:00 a\anga chawhnu dar 2:00 thleng hri danna hi pek niin Ui 30 vel zet hri danna hi pek hman an ni.
AH&Vety Department-a mithiam te chuan Ui ^ hri chu khawvel-ah pawh a case tam loh thu sawiin, amaherawh chu Ui ^ hri vei Ui in mihring a seh chuan enkawl dam theihloh a ngaih leh thihpui ngei tura ngaih a nih avangin Ui vulhtute chuan an Ui vulh te Ui ^ hri danna lak sak ngei ngei nachang an hriat a pawimawh thu an sawi a, Ui bakah ranvulhtute chuan an ranvulh te midang ti na thei zawng te, midang tana rimchhe thei leh midang tana bengchheng thei zawnga khuahkhirh nachang hre tur te in an chah bawk.

Comments

Popular posts from this blog

PAN CARD an tih teh fo hi - Laldinpuia