MP inthlan kal zelah MPCC Legal Department-in Lunglei Police Station-ah FIR an thehlut

MPCC leh ZPM Co-ordination Committee aiawhin nimin khan MPCC Legal Department Secretary, James Thanghmingmawia chuan tun \um Lok Sabha MP election neih dawn a Congress leh ZPM thlawp Candidate, Lalnghinglova Hmar Sl. No. 5 anih laia Lunglei District khaw hrang hrang Polling Station-a Candidate list tarchhuahah Sl. No. 4 a dah anih avangin Lunglei Police Station-ah FIR a thehlut.
Nimin a FIR a thehluh-a a ziah dan chuan hetiang a Sl. No. thlakthleng hian voter tam tak, abikin Mizo \awng chhiar thiamlo te, an tum loh zawk Candidate vote an awm ngei a ni tih tarlangin, Lalnghinglova Hmar vote tum ngeite hruaisual (misguide) a, an tum loh zawk vote tir ngei tur a nihzia hre chunga tih a nih thu leh hei hian pawi nasa tak a khawih thu a tarlang a, he MP Candidate list diklo hi he inthlanna a Returning Officer, Vanlalngaihsaka Aizawl DC leh K. Lalrinzuali, ARO Lunglei DC te hriatpuina ngei a siam a nih thu pawh tarlangin, chuvangin RO leh ARO te chunga dan anga action la ngei tura a ngen thu a tarlang bawk a ni.
Lunglei Police Station-a FIR an thehluh hnu hian Joseph Lalhimpuia, Ex-MLA leh MPCC General Secretary ni bawk kaihhruaiin Lunglei Press Club-ah Press Meet neih chhunzawm a ni a, he hunah hian Joseph Lalhimpuia chuan hetianga Sl. No. diklo a awm tih hriat anih ve leh khan CEO-ah complaint siam a lo nih tawh thu leh amaherawh chu Vawiin thlengin hmalakna hriat tur a awm loh thu a sawi a. Hetihlai vek hian Vanglaini chanchinbu a party symbol ziah sual chu thu tak ah lain an bawhzui nghal chuk chuk a, hei vang hian Lunglei Police Station-ah ngei FIR thehluh a ni ta tih a sawi a. FIR an thehluh hian awmzia a neih loh chuan thuneitu sang zawk, ECI ah hial kalpui a ni ang tih sawiin, MNF sawrkar in Police te chu hna thawk theilo tura an Kut an phuar erawh an hlauh thu a sawi bawk.
He hunah hian MPCC Media Department-a Member, Thanglawra pawhin MP candidate te Sl. No. hi colour-in tar tur siam sa vek a awm tih a sawi a, mahse Lunglei-ah chuan computer a print chawp hmun hrang hrangah tar a ni tih sawiin, a hlimchhawn a complaint anih khan Colour kha tar leh nghal theihin a awm tih a sawi a, hei vang hian ruahman sa a thil tih a awm ngei nia a lan thu leh hetiang hi tunhnuah awm tawh lo se a duh tih a sawi bawk.

Comments

Popular posts from this blog

PAN CARD an tih teh fo hi - Laldinpuia