Police te fuihna hun hmang

Lok Sabha inthlanpui neih tura Serchhip District chhunga Police duty turte tan an hnathawh dan tur inhrilhhriatna hun hnuhnung chu nimin khan Serchhip P&E Veng-ah neih a ni.

Lok Sabha inthlanpui neih tura Serchhip District chhunga Polling Station hrang hrang 77-a duty tur Police te tana an hnathawh dan tur inhrilhhriatna Serchhip P&E Veng YMA Hall-a neih hi Serchhip Addl. SP, PC. Lal\anpuia chuan kaihruaiin Serchhip SP, Shashank Jaiswal, IPS chuan he hun hi a hmanpui a, SP chuan Police mi te chu inthlanna felfai neih a nih theih nana theihtawp chhuah turin a chah nawn leh a. Mizo-ram-ah chuan inthlanna muanawm tak neih a nih \hin thu pawh sawiin, tun \umah pawh hian inthlanna muanawm leh felfai tak neih leh ngei a beisei thu a sawi a. Police te chuan inthlanna a an tih tur chin chiang taka hriain, an tihtur te \ha taka hlen turin a chah a ni. He hunah hian Ser-chhip-a Police Officer ten Police kalkhawm te hi inthlanna atana an hriat tur pawimawh hrang hrang hrilhin, inthlanna a mamawh tur inbiakpawhna hmanrua te pawh pekchhuah nghal a ni bawk.