Lok Sabha inthlanpui leh Assembly bye-election neih tur atan ruahmanna peihfel a ni tawh - CEO

Tun thla ni 11-a Lok Sabha inthlanpui leh Aizawl West-I Assembly Bye-Election neih tur atan ruahmanna peihfel a ni tawh tih Mizoram Chief Electoral Officer, Ashish Kundra chuan a sawi a. He inthlanna a Vote nei turte chu Vote thlak \heuh turin a sawm bawk.

Inrinni tlai khan Aizawl-ah chanchinbumite kawmin Mizoram CEO, Ashish Kundra chuan Lok Sabha inthlanpui neih tur atana inbuatsaihna te thlirin kar kalta khan Mizoram-a District zawng zawng a tlawh kim tawh tih sawiin, heng District-a inbuatsaihna te chuan duhthu a sam a, EVM pawh Commission fel vek a ni a, training tawp ber tur pawh Vawiin hian neih a zawhfel nghal a ni ang, a ti a. |umdang ang bawkin boruak muanawm tak hnuaiah inthlanna felfai leh thianghlim a awm ngei a beisei tih sawiin, hei hi a taka a thlen theih nan Mizoram mipui zawng zawng chu thawhpui-ah a sawm bawk a. Mizoram mipui zawng zawng chu Lok Sabha inthlanna leh Aizawl West-I bye-election neih tura vote thlak vek tura sawmin, Vote thlak chu khua leh tui chanvo a nih rualin an mawhphurhna a ni tel tih hriat a ngai tih a sawi a. Mizoram-a inthlanna neih tawh \hin ah Mizoram People Forum (MPF) hmalakna zara inthlanna felfai leh thianghlim a awm \hin chu thil lawmawm tak a nih thu sawiin, tuna inthlanpui lo awm leh turah pawh MPF chu an theihna zawna \an la leh turin a sawm a. Vote thlakna hmun tinah Duty insiam leh tura ngenin, hemi chungchang hi MPF hruaitute pawh kawmin hmachhana sawipui a tum thu a sawi bawk.
CEO chuan Joint NGO Coordination Committee in Vawiin a\anga Total Bandh nih an tum an ngenna ngai pawimawha an \hulh leh chu an lawm hle tih pawh sawiin, NGO te puihna tello chuan inthlanna hlawhtling a awm theih dawn loh avangin an ngenna an ti hlawhtling chu thil lawmawm tak a nih thu a sawi a, inthlanna hlawhtling a awm theih nan NGO hruaitute chu theihtawp chhuahpui-ah a sawm nghal bawk.
Ashish Kundra chuan he inthlan buai-puitu tur Polling Party, a nawlpui chu tunkar Nilaini hian chhuahtir an ni anga, hmun hla leh chengker deuha duty turte erawh naktuk, Thawhlehni-ah chhuahtir an ni dawn tih a sawi a, hetihlai hian venhimna pawh uluk taka kalpui a ni a, Central Armed Police Force (CAPF) Company 6 bakah State chhunga CAPF company dang 6 venhim hna kalpui tura tih an ni, a ti.
Mizoram CEO chuan inthlanpui neih turah hian inbiakpawhna pawh theihtawpa siam \hat a nih thu sawiin, chhim lam a bikin biakpawh harsa Lawngtlai District chhunga Polling Station zawng zawng zahve zet chu Mobile a inbiak-pawhna \ha lo a nih avangin Wireless hmanga inbiakna ruahman a nih thu a sawi a, lirthei thlen theih loh Polling Station pakhat chauh a awm a, hei hi Lawngtlai District-ah niin Lawngleng hmangin a thlen theih a ni, a ti.
Tun tumah hian hmeichhe tan bika siam Polling Station 117 siam a nih dawn thu pawh sawiin CEO chuan, Polling Official leh Security pawh hmeichhia vek an duty dawn a, nikum a Assembly inthlanpui neih khan vote thlak an tam thawkhat avangin tun \umah pawh hian ruahmanna uluk taka siam a ni tih a sawi a, vote thlak uar tura insawm chhuahna - Voters Awareness Forum 256 siam a nih thu a sawi bawk.
Hetihlai hian tunkar Ningani-a Lok Sabha inthlanpui neih tur leh Aizawl West-I Assembly bye-election atana campaign hun chuan a vawrtawp a thleng chho mek a, he inthlanna a campaign theih hun chu naktuk tlai-ah a tawp dawn a, hun tel an la neih hi Candidate leh Party hrang hrangte chuan duhthawh takin an hmang mek a ni. Lok Sabha inthlanpui neih tura campaign kharna hi MNF Party leh Congress leh ZPM in an thlawp Independent Candidate te chuan naktuk khian Aizawl-ah an nei ang.

Comments

Chhiar Hlawhte

Thu diklo thehdarh thu ah Police ten Serchhip-ah mi 4 an man