Chief Minister hova Civil Services Day hmangin sawrkar hnathawk \ha te chawimawina hlan an ni

Nimin khan Aizawl Vanapa Hall-ah Chief Minister, Zoramthanga hovin Civil Services Day-2019 hman a ni a. He hunah hian a vawikhatna ni turin Sawrkar hnathawk \ha leh entawntlak thlanchhuahte hnenah ‘Chief Minister's Award for Excellence in Public Administration’ chu Chief Minister hian a hlan nghal bawk.

Civil Services Day puala inkhawm ah hian Chief Minister, Zoramthanga chuan Sawrkar hnathawkte chu ram sawrkarna ruangam ah a ruhrel pui ber an ni tih sawiin, ni khat pawh an tel loh chuan ram inrelbawlna hian a buai phah vek thei tih hriaa \hahnemngaihna leh rinawmna nen thawk turin a chah bawk. Chief Minister chuan mihring te chu talent ropui tak pek kan ni tih pawh sawiin, chu chu hman \angkai thiam chuan kan tih theih leh nih theih sang ber kan thleng thei ta \hin tih a sawi a. Chutiang bawk chuan ram pawh hian theihna (potential) \ha tak a nei a. Mizoram in hmasawnna tura asset kan neih hlu tak tak - ram leilung \ha, sik leh sa leh ruahtui duhthusam, leilet ringawt pawh a chhunga cheng mipui chawm theihna ram kan neih malsawmna te hi kan hman \angkai thiam a ngai a; chu malsawmna ruai chu mipuite kil phak tura chawi hniamtu tur chu sawrkar hnathawkte an nih thu a sawi a. Kan ngaihtuahna kan thlak a ngaih thu pawh sawiin, hmalak dan tur ruahmanna an siamin ram leh mipui tan eng hlawkna nge awm thei ang tih leh hmasawnna tluantling a thlen theih dan te ngaihven hmasak a \ul thu a sawi bawk.
Chief Secretary, Lalnunmawia Chuaungo kaihhruai he hunah hian Sawrkar hnathawk \ha leh entawntlak thlanchhuah te hnena ‘Chief Minis-ter's Award for Excellence in Public Administration’ hlan niin he Award hi hlawm hnih- Organisation Category leh Team Category ah \hen a ni a. Organi-sation Category hnuaiah hian Planning and Programme Implementation Department chuan Entrepreneurship Development Programme (EDP) Scheme hlawhtling taka an kalpui avangin lawmman pakhatna an dawng a. Lawmman hian Certificate leh sumfai cheng nuai thum a keng tel a ni.
Lawmman pahnihna chu Mizoram Remote Sensing Application Centre (MIRSAC) in dawngin Mizoram Infrastructure Information and Monitoring System an kalpui vangin an dawng a. MIRSAC hian Geographical Information System (GIS) hmangin Mizoram district tin an tuamchhuak a, state chhung kilkhawr berah pawh sawrkar leh vantlang mipui hmun pawimawhte leh hmasawnna ruhrel kan neihte GIS hmang hian awlsam takin a hmuh zung zung theih a, a hmuna kal kher ngai lovin data pawimawh tam tak a lakkhawm theih niin Certificate leh Rs. 150,000/0 an dawng a ni.
Team Category a lawmman pakhatna dawngtu chu Deputy Commissioner, Kolasib District niin an ni hian Vairengte leh Bairabi Counter-a hman tur ILP Software an duan chhuah avangin he chawimawina hi an dawng a, he Software hmang hian counter-ah kal buai ngai lovin computer kaltlangin englai pawhin temporary ILP a dil theih a. Kolasib DC Office hian Revenue Collection-ah nasa takia hma sawnin kum kalta aiin cheng nuai 74 zetin an sum hmuh a pung a. Certificate leh cheng nuai hnih a keng tel a ni.
Team Category-a lawmman pahnihna dawngtute chu UD&PA Department an ni a, AMRUT Scheme \ha taka an kalpui vanga he lawmman hi dawng niin AMRUT scheme in a tum ber chu khawpuia chengte mamawh zualpui - Tui, Eng, inkalpawhna kawng, khawpui cheimawina leh mamawh dangte siam a ni a. AMRUT kalpui \ha te hnena pek \hin sumfai lawmman chu kum 3 chhung a zawnin Mizoram hian a dawng tawh a, Mizoram hi hmarchhak state zingah a dawng thei hmasa ber leh awmchhun kan ni a. India ram puma AMRUT kalpui \ha thlanchhuahah Mizoram hi pathumna a ni bawk a. UD&PA Department hian Certificate leh Rs. 150,000/- an dawng bawk a ni.

Comments

Popular posts from this blog

PAN CARD an tih teh fo hi - Laldinpuia