Latest News

Serchhip-ah Northeast Yatra for Lifestyle (Life) nei mek

Image
India hmarchhak State 8-a tun thla (November) chhunga neih tura ruahman Northeast Yatra for Lifestyle (Life) chu kar hmasa lamah Mizoram tana a hawnna hun hman a nih hnuin Serchhip District-ah pawh kalpui mek a ni a. He Yatra neih chhung hian mipuite hnenah tam zawk leh zau zawkin ‘environment’ humhalh leh venhim pawi-mawh zia zirtirna pek tura ruahman niin tunah hian In tin-a lut lawrin hemi chungchang inzirtirna neih a nih bakah thuziak te sem a ni a. Vawiin hian North Vanlaiphai-ah Mass Rally neiin hman khat daih Plastic thenfai hnatlang neih nghal a ni anga, naktuk-ah Govt. Serchhip College-ah hemi chungchang inzirtirna hi neih leh a ni ang.

MNF sawrkar-ah Tuikuk an huangtau niin sawi

MPCC & ZPM Publicity Committee chuan MNF sawrkar ah Tuikuk te an huangtau hle ah an ngaih thu an sawi.
Nimin a thuchhuah an siamah MPCC & ZPM Publicity Committee chuan Mizoram Bru Displaced People Forum, BRO National Liberation Front leh Bru Welfare Committee te’n MP Candidate, C. Lalrosanga hnena Tripura Camp-a vote thlak tur Tuikuk Aizawl-a awm haw na tur sum leh pai an dil nia sawiin, hei hian MNF sawrkar-a Tuikuk huangtau tak zia a lantir chiang hle nia an ngaih thu an tarlang a. Tuikuk Tripura Camp-a Vote thlak tura Aizawl a awmte hian an hawna tur sum leh pai hi March 30, 2019 khan MNF Party Official MP Candidate hnenah dilna lehkha an thlen nia tarlangin, Tuikuk Tripura-a Vote thlak tur Aizawl-a awm mi 85 vel tan mi pakhatah Rs. 1000/- den den an haw na tur an dil sak niin an tarlang.
MPCC & ZPM Publicity Committee thuchhuah chuan he lehkha ah hian General Secretary, Mizoram Bru Displaced People Forum; Secretary, BRO National Liberation Front leh Secretary, Bru Welfare Committee (Tripura Relief Camp) te hming bakah President, MNF Hachhek (West) Block te hming pawh a chuang nia tarlangin, Mizote thlavang hauhva theihtawpa ram leh hnam chhan tuma beitu NGO Co-Ordination ten heti khawpa Mizoram himna atana hma an lak laia Mizoram lo haw duhlo Tuikuk-te vote thlak theihna tur sum leh pai an Party Official Candidate an dilpui chu an dem takzet tih an tarlang bawk.

Comments

Popular News (Last 30 Days)