Sawrkar kum kalta ah Serchhip Blood Bank in a thlawna thisen pek a dawng tam ber

Mizoram-a Blood Bank sawm (10) awm zingah Serchhip Blood Bank chu sawrkar kum liamta chhunga a thlawna thisen pek (Voluntary Blood Donation) dawng hnem ber niin thisen a dawn a\anga za zela 97.23 chu mi tlawmngai ten a thlawna an pek a ni.

Mizoram State AIDS Control Society (MSACS) chhinchhiahna a\anga a lan danin sawrkar kum liamta, nikum April thla a\anga kumin March thla tawp thleng khan Mizoram-a Blood Bank 10 ah hian thisen Unit 27,079 pek niin heng zinga Unit 23,434 chu mi tlawmngai ten a thlawna an pek, Voluntary Donation a ni a, hei hi thisen pek zawng zawng a\anga zaa 86.54 a tling a, hemi hun chhung hian a huhova thisen pekna hun (Blood Donation Camp) \um 458 huaihawt niin heng Camp-ah hian thisen Unit 18,653 lakkhawm a ni a, Unit 8426 chu mi tlawmngai ten mahni-a Blood Bank-ah kala thisen an pek niin a bak Unit 3645 chu mi tu emaw tan bika pek (Replacement Donation) a ni thung.
Mizoram hian nikum hmasa (2017-2018) aiin a thlawna thisen pek ah hian hma a sawn niin a lang a, kum 2017-2018 chhung khan thisen lakkhawm Unit 26,248 zingah zaa 83.36% chu Voluntary Donation a nih laiin nikum ah chuan 86.54% ah a kai chho ta a ni.
Mizoram-a Blood Bank 10 awm zingah hian Serchhip Blood Bank chu a thlawna thisen pek dawng tam ber niin sawrkar kum liamta chhung khan thisen Unit 1085 dawngin heng zinga Unit 1055 te chu a thlawna pek a ni a, hei hi thisen pek zawng zawng a\anga 97.23% niin hemi hun chhung hian Blood Donation Camp \um 24 neih a ni a, heng Camp hrang hrangah hian thisen Unit 859 lak niin a bak hi mi tlawmngai ten mahni-a kala Blood Bank-a thisen an pek te a ni.
Serchhip Blood Bank dawt-ah hian District Hospital, Champhai chu a thlawna thisen pek dawng tam an ni a, anni hian sawrkar kum liamta chhunga thisen Unit 1335 an dawn zinga Unit 1258 (94.23%) chu Voluntary Donation a ni a. Mizoram-a Blood Bank awm zingah District Hospital, Lawngtlai chu a thlawna thisen pek dawng tlem ber an ni a, sawrkar kum liamta chhunga thisen Unit 1290 an dawn zinga Unit 901 (69.84%) chu Voluntary Donation a ni thung a ni.
AVBD Serchhip Branch chuan hetianga Mi-zoram Blood Bank hrang hrang zinga Serchhip in a thlawna thisen pek a dawng tam ber chu lawmawm an tih thu sawiin, thisen petu zawng zawngte chungah lawmthu an sawi a, uar zawka pe zel turin an sawm bawk.

Comments

Popular posts from this blog

PAN CARD an tih teh fo hi - Laldinpuia