NTUM in cheng nuai 5 zel pek an phut

National Trade Union of Mizoram (NTUM) chuan thihna an tawhin sawrkar in Ex-Gratia cheng nuai 5 pe \hin tura an phut thu an sawi.

Nimin a NTUM General Hqrs. in Aizawl a OB Meeting an neih ah hemi chungchang hi relin MR te chu \hatlai hun zawng zawng Sawrkar tana hlantu an ni tih sawiin, Accident leh vanduaina avanga thihna an lo tawhin Sawrkar in Ex- Gratia cheng nuai 5 pe \hin tura an phut thu an sawi a. Tunhnaia an member, Current man avanga boralta Lalrosunga P&E Department, Lunglei chu Ex- Gratia cheng nuai 5 pek an phut thu sawiin, Mizoram Sawrkar in kum 2015-a Notification a chhuah tawh, Gratuity Act chu MR te tan hmang tur leh kum 2015 hnulam ah MR pension leh Thi te hnenah hian Gratuity hi hmang tura Order chhuah an phut thu an sawi bawk.

Hei bakah hian NTUM hruaitute chuan P&E Department E-in-C in Order alo chhuah tawh angin, Live Line-ah tumah Ban-ah lawn tawh lo tur a nih thu leh hei hi P&E Department MR ten April 8, 2019 a\anga zawm nghal tur a nih thu an sawi a, lawn luih tir tumtu an awm chuan an chungah Dan awmsa hmangin action a lak an phut thu an sawi a. Heng bakah hian Department tinin Order chhuahin MR zawng zawng te sawrkar in hnathawh tura a tuk bak engmah thawhloh tur a nih thu leh an nunna atan hlauhawm leh harsatna an tawh theihna ah chuan, Regular staff leh Training chhuak, a thiam zawk te sawrkar in tir \hin se an duh tih an sawi bawk.