Latest News

Serchhip District-ah kumin hian TB vei 60 hmuin Nikshay Mitra hnuaiah mi 10 chauhin tanpuina an la hmu

Image
Serchhip District-ah kumin (2023) chhungin mi 867 te enfiahna atangin TB hrik pai mi 60 hmuh an ni tawh a. Serchhip District chhunga TB hrik pai mi 10 te hnenah Nikshay Mitra kaltlangin chawtha an eina tur pek mek niin mi tam zawkin an dawn theihna turin mi tlawmngai te penchhuak tura an duh thu thawktute chuan an sawi.

Mizo mipuite hmuhsit zia a langchiang niin sawi

Congress Legislature Party (CLP) Leader, Zodintluanga chuan MNF Party President Zoram-thanga'n ‘Mizoram mipuite'n issue base an hre lo’ tih a sawi chiam chu Mizo mipuite a hmuhsit zia a lang chiang hle niin a sawi.
CLP Leader hian kar kalta chhung khan a bialchhung khaw hrang hrang bakah Tlabung khua te tlawhin he thu hi a sawi a, Zodintluanga chuan, “MNF President Zoramthanga'n Mizoram hmun hrang hrang tlawha a zin chhuahna ah Mizoram mipuite chu issue base an hre lo tia a sawi chiam hian, Mizo-ram mipuite min hmuhsitzia leh ngaihnep zia a ti lang chiang hle a ni,” a ti a. Congress leh ZPM te'n mipui candidate an thlawp, Lalnghinglova Hmar chu ram leh hnam, sakhaw himna atana thlawpa \angho an nih thu sawiin, “MNF te'n an belh ber BJP hian Sakhaw tihbik neia rorelna chan tum a, India ram pumpui hi sakhaw pakhat tan chauha serh hran tum an nih avangin, keini Kristian sakhaw zuitute hi kan him lo a ni. Kan sakhua a him loh chuan kan ram leh hnam a him dawn lo tih pawh a chiang sa reng a. Chuvangin, party nihna dah\hain ZPM leh Congress te hi thawkho in Mipui Candidate, Lalnghinglova Hmar hi kan thlawp a ni,” a ti bawk.

Comments

Popular News (Last 30 Days)