YMA in Darzika Road siam hna thawh mek an enfiah

Niminpiah chawhnu khan Serchhip Sub-Hqrs. YMA Serchhip Vigilance & Monitoring Committee chuan Chhiahtlang to Lamchhip kawng siam mek tlawhin hnathawh dan an enfiah.

Chhiah-tlang dai a\anga Lamchhip panna, Darzika Road tia hriatlar hi F. Kapsanga Enterprise te chuan a laih hna thawkin YMA hruaitute hi an lo dawngsawng a, an kawng siam mek te enin hna-thawktu ten an kawng laih meka harsatna an lo neih te an lo sawi a, YMA Vigilance & Monitoring Committee hruaitute chuan kawng siamtute chu kawng rotling leh \ha siam ngei turin an chah nghal bawk.

Chhiahtlang to Lamchhip kawng hi a laihzauh hna chu zawhfel thawkhat a ni tawh a, tunah hian a chhuat-a PCC chhun hna thawh \an tum a ni a. Hmuifang to Lamchhip (Serchhip peng) thleng Mizoram Technocrafts company ten a kawng chhuat PCC-a chhun hna an thawk anga, hei hi meter 3 a zau leh inches 4 a chhah tur a ni ang. Lamchhip to Chhiahtlang hi F. Kapsanga Enterprise ten an thawk anga, he kawng hi PCC inches 6 a chhah a chhun tur a ni bawk. Hei bakah hian Chhiahtlang leh Lamchhip inkar Mat lui kaina turin Lei \ha tak dawh mek a ni bawk a. He kawng chhuat hi PCC a chhun hna thawh \an a nih tawh avangin helai kawng hi kaltlang theih loha khar rih a ni a, lirthei neituten zawm \heuh turin thawktute leh YMA chuan mipui an ngen bawk.