Training nei chhunzawm leh

Lok Sabha MP inthlanpui neih tura Serchhip District chhung Assembly Constituency pathum a Duty tur Polling Personel te tan training chu nimin khan Govt. Higher Secondary School, Ser-chhip-ah neih chhunzawm leh a ni a, training hi a thawh hnihna atan zawhfel a ni.

Nimin a Training ah hian Polling Officers tur mi 210 mte koh niin Election Master Trainers -Pinky Zosangpuii, SDO (C), Thenzawl; C. Lalduhzuali, Settlement Officer, Serchhip; Dorothy Muansangi, SDO (C), N. Vanlaiphai; Ngurthansanga, SDC, Ser-chhip leh Lalhruaitluanga, DLAO, Serchhip ten Polling Officers te zirtirna pein inthlanna hmanrua (EVEM & VVPAT) te hnathawh dan leh enkawl dan te uluk takin zirtirna an pe a, Polling Booth tina duty tura ruatte hi heng inthlanna hmanrua te hi a taka hman chhin tir an ni bawk.