Boruak muanawm tak hnuaiah Mizoram-ah Lok Sabha inthlanpui neih a ni

Mizoram Lok Sabha inthlanpui neih ah nimin khan Mizoram pumah Vote thlak a ni ta a, Serchhip District-ah pawhnimin zing dar 7:00 a\ang khan mipui ten Vote thlakin Vote tla erawh he thu buatsaih lai thleng hian a \ha lutuk lo.
Mizoram in Lok Sabha seat khat a neih luahtu tur thlanna atana inthlanpui hi Serchhip District-ah pawh tluang taka neih a ni a. Niminpiah tlai dar 5:40-a Polling Party tin ten an duty-na tur hmun an thlen hnuah nimin zing khan Vote thlakna khawl te enfiahin zing dar 7:00 a\angin mipuite tan Vote thlakna hun hawn \an a ni a, hmun \henkhat ah EVM lama harsatna a awm avanga harsatna tlem tlem a awm tihloh chu harsatna liantham thleng a awm hriat a ni lo a, Vote thlakna khawl \halo hi hmun \henkhat ah chuan thlak niin Serchhip bial chhungah Serchhip-VIII Polling Station-ah Control Unit, Ballot Unit leh VVPAT te thlak vek a ni a, Serchhip XII leh New Serchhip-II ah VVPAT te thlak a ni a, Tuikum Constituency huamchhung Sialhau Polling Station leh Tlungvel-I ah VVPAT te thlak niin Hrangturzo Constituency-ah erawh Vote thlakna khawl thlak ngai a awmlo thung a, heng khawl thlak ngai te hi thlak a nih hnuah tluang takin Vote hi thlak zui a ni.
Nimin a Lok Sabha inthlanpui neih ah hian beisei angin Vote erawh a tla \ha lutuk lo niin a lang a, Serchhip khawpui chhunga Polling Station hrang hrangte tlawhtu kan Palai chuan nikum lama MLA inthlanpui neih aiin Vote hi a tla \halo hle tih a sawi a. Serchhip District-a Assembly Constituency 3-ah Polling Station 77 awmin, 26-Serchhip AC-ah Voters 18,306 awmah 11,841 in vote thlakin 64.68% a tla a. 27-Tuikum AC-ah Voters 15,808 a\angin 10,312 in vote an thlak  a, za zelah 65.23 a tla a, 28-Hrangturzo AC-ah Voters 15,782 an awm a, 9,629 in vote thlakin za zela 61.01 in vote an thlak a. Serchhip District pumah Voter 49,896 awmin mi 31,782 in vote an thlak a, Vote tla hi za zelah 63.70 a ni.
Nimin a Vote thlakna atana hman EVM leh VVPAT te hi Vote thlak zawhfel a nih veleh Polling Party te chuan Serchhip DC Office an rawn panpui nghal a, Serchhip District chhunga tlawhpawh harsa deuha ngaih te pawh awlsam zawka an rawn haw theihna tura ruahmanna siam a ni a. Polling Party te hian ehkha pawimawh te tihfel a nih hnuah Vote thlakna khawl te chu venhimna hnuaia awm turin Strong Room-ah dahluh nghal a ni a, India ram hmundanga inthlanna neiha Vote tla te nen thla thar May 23-ah a ruala chhiar a ni ang.
Mizoram Chief Electoral Officer, Ashish Kundra chuan nimin tlai kha thuthar thehdarhtute kawmin Mizoram puma he inthlanpui neih ah hian khawi a\ang mahin thil duhawm lo a thlen hriat a ni lo tih a sawi a, Polling Party te pawhin tluang taka an duty na tur hmun thlengin, vote thlak an huaihawt thei tih sawiin, vote thlakna khawl chhia thlak ngai pawh state dang nen tehkhin chuan a tlem hle a ni, a ti. Mizoram CEO chuan nimin chawhnu her thleng khan vote zaa 50 chuang awrh a tla tih sawiin, vote thlak zingah kum upa lam hmuh tur an awm nual chu lawmawm a tih chu a sawi a, hetihlai hian vote nei thar leh \halaite hip tura hma an lakna hrang hrang chuan rah \ha a chhuaha a hriat thu a sawi a, \halai vote thlak zingah mahni thla laa inelna an siam chu a hlawhtling hle tih sawiin, nimin chawhnu thleng khan mi 100 chuangin an thlalak an thehlut tawh tih a sawi bawk. Nimin a Mizoram Lok Sabha inthlanpui neih ah hian nizan dar 7:40 thleng khan vote tla zat chu 62.49% a ni a, hmun \henkhat biakpawh theihloh leh result la thehlut lo te an awm bawk avangin hei ai hian Vote tla zat hi \ha tura beisei a ni.

Comments

Popular posts from this blog

PAN CARD an tih teh fo hi - Laldinpuia