Mizoram Village/Locality Profile tlangzarh a ni

/
Mizoram sawrkar hnuaia Economics & Statistics Department in 'Village /Locality Profile 2017-2018 : Mizoram State' an buatsaih chu nimin khan Planning & Programme Implementation Secretary Dr. C. Vanlalramsanga chuan a tlangzarh.
Directorate of Economics & Statistics Conference Hall-a he lehkhabu tlangzarhna hun hi Economics & Statistics Director, Lalchhuanawma Hrahsel chuan kaihruaiin heng data pawimawh tak tak lakkhawm a nih dan leh lehkhabua an siamdan chungchang (Technical Report) chu Economics & Statistics Deputy Director, B. Lalrinhlua’n a pe bawk.
Village/Locality Profile hi state sawrkarin hmasawnna kawng hrang hranga hmalak dan tur atana ruahmanna a siamna ah a hman \angkai tur a ni a. Tunlai khawvela hmasawnna dan milin India sawrkar leh Mizoram state sawrkar-a Planning Department-in vung taka a kalpui mek, mitin huapzo hmasawnna ruahman nana duan - Sustainable Development Goals (SDGs) hi State level-ah chuah ni lo, District, RD Block leh Village/Locality level-a tihhlawhtlin a nih theih nan Village/Locality Profile parameter leh baseline data hi a \angkai dawn a. He project hi India Statistical Strengthening Project (ISSP) leh State Fund tangkawpa buatsaih a ni.
Khawpui chhunga Veng (Urban Locality) tin leh thingtlanga Khua (Rural Vilage) zawng zawng tuamchhuaka he survey hi beih a ni a. Village Profile hian Sector 13 huamin tehkhawng 240 a nei thung. He Profile hi state sawrkarin District Level, Block Level leh Village/Locality Level-a hmasawnna a ruahman nan leh chak taka SDGs a kalpui theih nana chhawpchhuah a ni a. ‘Khua leh Veng hian eng nge an neih? Eng nge an neih loh? Eng nge an chakna lai? Eng nge an panna lai? An khua leh veng-a awm tur a awm em? An khua leh venga awm ngei ngei tur a awm lovem?’ tih zirchian nan a pawimawh dawn a. Mithiamte leh a kaihhnawih sawrkar department-te tan SWOT (Strength-Weakness-Opportunity-Threat) Analysis beih nan hmanrua tangkai a tling dawn a ni.
'Village /Locality Profile 2017-2018 : Mizoram State' chhungah hian Economics & Statistics Department leh MIRSAC, Science & Technology Department \awngkawpa buatsaih 'GIS-Based Village/Locality Profile 2017-2018' leh LAILEN Consulting Pvt. Ltd. nena \angkawpa buatsaih 'Web-Based Village/Locality Profile 2017-2018' a tel ve ve a. Web-Based Village/Locality Profile-a Download Report (Rural & Urban) kimchang chu mipuite thlir theih turin Department Website www.des.mizoram.gov.in-ah dah a ni ang.
He hunah hian 'Village Profile & Development Indicators 2017-2018 : Mizoram State (Rural Only)' tih pawh tlangzarh nghal a ni bawk.

Comments

Post a Comment

Popular News (Last 30 Days)

SDVA in hruaitu tur thlang

/
Image
Serchhip District Volleyball Association (SD-VA) chuan nimin khan khan Serchhip Kawnpui VC Hall-ah kum 2024-2025 chhunga an Pawl hruaitu tur thlanna an nei a, President-ah K. Tlangthanmawia (Bazar Veng); Sr. Vice President-ah VL. Hruaitluanga (Bazar Veng); Vice President-ah H. Rohmingliana (Chhim Veng); General Secretary-ah Zothansanga (Chhim Veng); Joint Secretary-ah Jerry Lianhming-thanga (Vengchung) leh Zoramthara (Darnam Veng); Treasurer-ah C. Lalhruaitluangi (Chhiah-tlang Kawn Veng) leh Fin. Secretary-ah R. Lalhnehzauva (Vengchung) te thlan an ni.
Kimchang zawkin »

Truck 8-ah Kuhva ro man

/
Nimin zing dar 3:00 vel khan Mizoram Police te leh Central YMA Kumpuan Sub-Committee te chuan Seling daiah Myanmar atanga dan lova rawn lut ni a rin Kuhva ro Trip 8 leh Escort motor pahnih an man. Thudawn danin, Kuhva ro te hi Truck ke 10 nei Motor 8-ah phurh niin Truck vengtu, Escort Motor 2 man tel a ni a, lirthei leh a khalhtu mi 10 te chu manin Seling Police Outpost pek an ni a, heng Kuhva phur Motor te hi Champhai atanga rawn kalin Khawzawl Gate an rawn paltlang nia hriat a ni. Dan lova Kuhva ro a sumdawnna hi a rukin kalpui reng nia a lan avangin Central YMA leh Police te chuan theihtawp chhuahin hma an la zui mek zel a ni.
Kimchang zawkin »