Mizoram Right to Public Services Act 2015 chungchang zirhona Serchhip-ah neih a ni

Nimin khan Serchhip-a I&PR Department buatsaihin New Serchhip YMA Hall-ah 'Awareness Campaign on Mizoram Right to Public Services Act 2015' neih a ni a, he hun hi MJA Serchhip District President, C. Ramengmawia chuan khuallian niin a hmanpui a ni.

Nimin-a 'Awareness Campaign on Mizoram Right to Public Services Act 2015' hawnna hunah hian MJA Serchhip District President chuan MRPS Act chu kum 2015 a\anga hman \an ni tawh mahse mipuiten kan la hmelhriat lo hle a ni, tiin hei hi inhrilhhriatna lama hmalakna a \hat tawkloh vang a nih theih thu a sawi a, sawrkar a\anga hun reilote chhunga kan hmuh tur service hrang hrang te pawh Dân kan hriat loh avangin rei tak tak kan nghak fo \hin a, a pawi hle a ni, a ti a. He dan hnuaiah hian Department panga (5) seng luh an ni tawh a, Department dang pawh sengluh an nih zel a beisei thu a sawi a, he Danin a tum ber chu mipuite awlsamna tura hunbi tiam chhunga mipuite mamawh pek chhuah a ni tih sawiin, he dan hmang zinga kan tel hi a lawmawmin a hlu a, mahse he Dan kan hre tawk lo hi a pawi a, he dan hi \angkai zawka kan hmanna tura \an la turin mipui te a sawm a. Dan hriatloh chu chhuanlam a tlin loh avangin mipuite leh sawrkar Department te tan pawh Dan kan hriat tlan a pawimawh thu a sawi bawk.
Serchhip-a Information & Public Relations Department-a AVPA, F. Ramfangzauva kaihhruai he hunah hian Serchhip DIPRO, K. Saitluanga chu Resource Person atan hman niin Mizoram Right to Public Services Act 2015 chungchang hi a sawifiah a. Mizoram Right to Public Services Act 2015 chu March 23, 2015-ah Mizoram State Legislative Assembly in pawmin March 25, 2015 khan Mizoram Governor in hman phalna a ziah hnuah Dan a ni tawh tih sawiin, Dan tesep te pawh August 24, 2015 khan sawrkar Gazette-ah tihchhuah a nih tawh thu a sawi a. He Dan hi December 1, 2015 a\anga hman \an a nih thu sawiin, he Dan in a tum ber chu sawrkar in mipuite hnena service a pekchhuah \hin te hunbi tiam chhunga a diltu hnena pekchhuah zat zat a nih thu te, he Dan hi State hrang hrang 10-ah hman a nih tawh thu te, he Dan hi Mizoram puma hman tur leh District Council pawhin an duh chuan an hman ve theih thu te, he Dan hnuaiah hian Department hrang hrang 6- Transport, Taxation, Social Welfare, Rural Development, Finance leh PHE a\angin Service 46 sengluh a nih tawh thu leh a dang pawh sengluh zel tum a nih thu te, he Dan hnuaia Service pekchhuah hun tura pekchhuah loh avanga lungawilohna nei ten lungawilohna an thlen theih dan leh Service pechhuak lo te hremna Dan te a sawi bawk.
He hunah hian Serchhip-a MUP member te, College zirlai leh thuthar thehdarhtute telin he Dan chungchanga hriatchian duh hrang hrangte inzawhfiahna hun hman a ni bawk.

Comments

Popular posts from this blog

PAN CARD an tih teh fo hi - Laldinpuia